प्रवास

विश्वभरी कोभिड–१९ बाट सङ्क्रमितको सङ्ख्या तीन करोड ८५ लाख नाघ्यो

प्रकाशित |

वासिङ्टन । विश्वभरी महामारीको रुपमा फैलिएको कोरोनाभाइरस (कोभिड–१९) का कारण तीन करोड ८५ लाख भन्दा बढी मानिस सङ्क्रमित भएका छन् ।

जोन्स हकिन्स विश्वविद्यालयले दिएको पछिल्लो विवरणअनुसार विश्वभरी हालसम्म तीन करोड ८५ लाख ८८ हजार ८०० जना कोरोनाभाइरसबाट सङ्क्रमित भएका हुन् । 

कुल सङ्क्रमितमध्ये दुई करोड ८९ लाख ९७ हजार ५९५ जना सङ्क्रणमुक्त भइसकेको विश्वविद्यालयले जनाएको छ । 

सङ्क्रमणमुक्त भएकाहरुको संख्यामा भारत अग्रस्थानमा रहेको छ । भारतमा अहिलेसम्म ६३ लाख ७६ हजार ८६३ जना सङ्क्रमणमुक्त भएका छन् । 

अमेरिकामा भने सङ्क्रमितहरुको अवस्था डरलाग्दो छ । सबैभन्दा धेरै सङ्क्रमित रहेको मुलुकमा अमेरिका नै रहेको छ । 

अमेरिकामा अहिलेसम्म ८१ लाख ७ हजार ८१० जना सङ्क्रमित भएका छन् भने अरु दुई लाख २१ हजार १७७ जनाको कोरोनाकै कारण मृत्यु भएको छ ।   

धेरै प्रभावित भएकाहरुको सूचीमा भारत र ब्राजिल दोस्रो र तेस्रो क्रममा रहेका छन् । भारतमा अहिलेसम्म ७३ लाख १ हजार ८०४ जना सङ्क्रमित हुँदासम्म एक लाख ११हजार २७२ जनाको मृत्यु भएको छ । 

त्यसैगरी ब्राजिलमा अहिलेसम्म ५१ लाख १७ हजार ८२५ जना सङ्क्रमित रहेका छन् भने एक लाख ५१ हजार १६१ जनाको कोरोनाकै कारण मृत्यु भएको छ । 

त्यसैगरी चौथो धेरै प्रभावित भएको रुसमा भने अहिलेसम्म १३ लाख ४० हजार ४०९ जना सङ्क्रमित भएका छन् । रुसमा कोरोनाका कारण २३ हजार २०५ जनाको ज्यान गएको छ । 

विश्व स्वास्थ्य संगठन (डब्लुएचओ)ले गत मार्च ११ देखि विश्वभरी कोरोनाभाइरसको महामारी फैलिएको घोषणा गरेको थियो । 

एएनआई

एएनआई -

थप »

यो खबर पढेर तपाईलाई कस्तो महसुस भयो ?

प्रतिक्रिया