मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

ब्राजिलमा कोरोना संक्रमितको संख्या ५० लाख नाघ्यो

ब्राजिलमा कोरोना संक्रमितको संख्या ५० लाख नाघ्यो


साओ पाओलो । ब्राजिलमा कोभिड–१९ सङ्क्रमितको ३१ हजार ५५३ भएसँगै कुल सङ्क्रमितको सङ्ख्या ५० लाख २ हजार ३५७ पुगेको जोन हकिन्स विश्वविद्यालयको विज्ञान तथा इन्जिनियरिङ्ग व्यवस्थापन केन्द्रले बिहीबार जानकारी गराएको छ । 

दक्षिण अफ्रिकी यो मुलुकमा विगत २४ घन्टामा सङ्क्रमित ७३४ जनाको मृत्यु भएको छ भने अहिलेसम्म कोभिड–१९ सङ्क्रमित एक लाख ४८ हजार ३४० जनाको मृत्यु भइसकेको छ । यस मुलुकको सबैभन्दा बढी प्रभावित सहर साओ पाओलोमा मात्रै १० लाखभन्दा बढी व्यक्ति सङ्क्रमित भएका छन् । यहाँ कुल ३६ हजार ६६९ जनाको मृत्यु भएको छ । 

अमेरिकापछि विश्वमा कोभिड–१९ सङ्क्रमित व्यक्तिको मृत्यु हुने मुलुक ब्राजिल हो । ब्राजिलमा गत फेब्रअरी २६ मा कोभिड–१९ को पहिलो सङ्क्रमण पुष्टि भएको थियो ।

विश्वव्यापी महामारीका कारण सबैभन्दा बढी प्रभावित अमेरिकामा कुल ७७ लाख ८० हजार ५८६ व्यक्ति सङ्क्रमित भएका छन् भने सङ्क्रमित दुई लाख १६ हजार ८८९ जनाको मृत्यु भएको छ ।  तेस्रो बढी प्रभावित मुलक भारतमा कुल ६८ लाख ३५ हजार ६५५ व्यक्ति सङ्क्रमित भएका छन् भने सङ्क्रमितमध्ये एक लाख पाँच हजार ५५४ जनाको मृत्यु भएको छ । 

विश्वभर कोभिड १९ सङ्क्रमितको सङ्ख्या तीन करोड ६४ लाख ७० हजार ७३७ पुगेको छ भने यसका कारण १० लाख ६१ हजार ७७९ जनाको मृत्यु भइसकेको उक्त विश्वविद्यालयद्वारा सार्वजनिक तथ्याङ्कमा उल्लेख छ । 

विश्वका अन्य प्रभावित मुलुकहरूमा रूस, कम्वोडिया, चिली, पेरू, स्पेन, फ्रान्स, इटालीलगायत अमेरिकी र यूरोपेली मुलुक नै रहेका छन् ।