नयाँ दिल्ली । भारतमा कोरोना भाइरसका कारण पछिल्लो २४ घन्टामा अहिलेसम्मकै धेरै सङ्क्रमित भएका छन् । स्वास्थ्य अधिकारीहरुले दिएको जानकारीअनुसार पछिल्लो २४ घन्टामा देशभर कुल ८ हजार १०५ जनामा सङ्क्रणको भएको हो । 

 

थपिएका यी सङ्क्रमितसँगै भारतमा अहिलेसम्म कुल सङ्क्रमितको संख्या एक लाख ८१ हजार १४५ पुगेको केन्द्रीय स्वास्थ्य तथा परिवार कल्याण मन्त्रालयले जनाएको छ । जसमा शुक्रबार २६९ जना र शनिबार १७८ जनाको मृत्यु भएको छ ।

 

शनिबार कोरोना भाइरसका ७ हजार ६५४ जना संक्रमित थपिएका छन् । भारतमा हालसम्म कुल मृतकको संख्या ५ हजार १५८ पुगेको छ । 

 

पछिल्लो विवरणअनुसार देशभरी अहिले पनि ९० हजार ६४४ जना सङ्क्रमित अवस्थामै रहेका छन् भने ८५ हजार ३४३ जना सङ्क्रणमुक्त भएका छन् ।

 

भारतमा पटकपटक गरेर देशव्यापी लकडाउनको अवधि थपिँदै लगिएको छ भने जनजीवन कष्टकर हुन थालेपछि अहिले विभिन्न चरणमा लकडाउनलाई खुकुलो बनाइँदै लगिएको छ । एएनआई