काठमाडौँ । कोरोना भाइरसको विश्वव्यापी महामारीका कारण अमेरिकामा ज्यान गुमाउनेहरुको संख्या आइतबार बिहानसम्म ५४ हजार २५६ पुगेको छ । शनिबारमात्रै अमेरिकामा २ हजार ६५ जनाको ज्यान गएको छ । 

 

पछिल्लो २४ घन्टामा अमेरिकामा ३५ हजार ४१९ संक्रमितको पहिचान भएको छ । अमेरिकामा ७ लाख ८८ हजार २३३ कोरोना संक्रमितको उपचार भइरहेको छ । जसमध्ये १५ हजार ११० संक्रमितको अवस्था जटिल रहेको बताइएको छ ।

 

अमेरिकामा कुल ९ लाख ६० हजार ६५१ जना संक्रमित भएका छन् । यो संख्या विश्वभर कुल संक्रमितको झन्डै एक तिहाइ अर्थात् ३२.८९ प्रतिशत हुन आउँछ ।  

 

कोरोना भाइरसको संक्रमणबाट विश्वभर २ लाख ३ हजार २६९ को ज्यान गइसकेको छ । संक्रमितको संख्या २९ लाख २० हजार ९०५ पुगेको छ ।