काठमाडौँ । विश्वभरका जनतालाई भय, त्रास, शोक र सन्नाटाको स्थितिमा थकेलेको प्राणघातक कोरोना भाइरस (कोभिड-१९) को महामारीबाट संसारभर दुई लाख ४३० जनाको मृत्यु भएको छ । विश्वभर २८ लाख ६७ हजार ९८४ व्यक्ति संक्रमित भएका छन् । 

 

कोरोना भाइरसको प्रकोपबाट सबैभन्दा प्रभावित अमेरिका बनेको छ । यहाँ ५२ हजार ८४३ जनाको मृत्यु भएको छ । अमेरिकामा लगभग एकतिहाइ अर्थात् ९ लाख २९ हजार ८४१ मानिस संक्रमित भएका छन् । 

 

युरोपेली मुलुकहरुमध्ये इटालीमा कुल १ लाख ९५ हजार ३९१ संक्रमित भएकोमा २६ हजार ३८४ जना, स्पेनमा कुल २ लाख २३ हजार ७५९ संक्रमित भएकोमा २२ हजार ९०२ जना, फ्रान्समा कुल १ लाख ५९ हजार ८२८ संक्रमित रहेकोमा २२ हजार २४५, बेलायतमा १ लाख ४८ हजार ३७७ संक्रमित रहेकोमा २० हजार ३१९ जना, बेल्जियममा ६ हजार ९१७ जना, जर्मनीमा ५ हजार ८०५ जना, नेदरल्यान्ड्समा ४ हजार ४०९ जना, स्वीडेनमा २ हजार १९२ जना, स्वीट्जरल्यान्डमा १ हजार ५९३ जना, रसियामा ६८१ जनाको मृत्यु भएको छ ।

 

यसैगरी, इरानमा ५ हजार ६५० जना, चीनमा ४ हजार ६३२ जना, ब्राजिलमा ३ हजार ७०४ जना, मेक्सिकोमा १ हजार २२१ जना, इन्डोनेसियामा ७२० जना, इक्वेडरमा ५७६ जनाको मृत्यु भएको छ ।  

 

यस्तै, दक्षिण एसियाली मुलुकहरुमा भारतमा २४ हजार ९४२ संक्रमित रहेकोमा भारतमा ७८०, पाकिस्तानमा १२ हजार २२७ जना संक्रमित भएकोमा २५६, बंगलादेशमा ४ हजार ९९८ संक्रमित भएकोमा १४०, अफगानिस्तानमा १ हजार ४६३ संक्रमित रहेकोमा ४७, श्रीलंकामा ४४९ संक्रमित भएकोमा ७, माल्दिभ्समा १२९ व्यक्ति संक्रमित भएका छन् । यस्तै, नेपालमा ४९ र भुटानमा ७ जना कोरोना भाइरस संक्रमण रहेको पाइएको छ । एजेन्सी