अमेरिका- न्युयोर्कमा दुई दिन यता चार जना नेपालीको मृत्यु भएको छ ।  न्यूयोर्क निवासी अजयमान छोचुंको शनिवार उपचारका क्रममा मृत्यु भएको हो ।

 

न्यूयोर्कमा अस्पतालमा उपचारका क्रममा अजमानको मृत्यु भएको हो । उनी करिव ६५ बर्षका थिए । ह्दयधातका कारण उनको मृत्यु भएको परिवार स्रोतले जनाएको छ ।

 

दुई दिन यता मात्र चारजना नेपालीले ज्यान गुमाएका छन् ।

 

मुस्तागंका सोनाम लामा र थोक्मे विष्टको को पनि शुक्रवार निधन भएको थियो । यस्तै अर्का नेपाली निग्मा तेम्बा शोर्पाको पनि निधन भएको छ । विष्टको पनि मुटु रोगका कारण निधन भएको उनी निकटले जनाएका छन् । यस सगैं दुई साता यता न्यूयोर्कमा ज्यान गुमाउने नेपालीको संख्या ५ पुगेको छ ।

 

कोराना भाइरस संक्रमणको मुख्य केन्द्र न्यूयोर्कमा अहिले व्याप त्रास छ । अधिकांश नेपाली घरमै वसिरहेका छन् । यसले गर्दा समस्या पनि देखिएको हो ।

 

केही दिन अघि कोरोना भाइरसको संक्रमणवाट अर्का नेपाली अनिल लिम्बुको मृत्यु भएको थियो । उनी करिव ५० बर्षका थिए । दुई साता यता न्यूयोर्कमा ज्यान गुमाउने नेपालीको संख्या ५ पुगेको छ ।