चितवन । वैदेशिक रोजगारीका सिलसिलामा कतारमा मृत्यु भएका पूर्वी चितवनका धनेश्वर चौधरीको परिवारलाई कतारस्थित काम गर्ने कम्पनीबाट पठाइएको राहत रकम हस्तान्तरण गरिएको छ ।
प्रमुख जिल्ला अधिकारी विनोदप्रकाश सिंहले चौधरीकी श्रीमती विसमतीलाई राहतस्वरुप कम्पनीले पठाएको रु ५८ लाख आठ हजार ४६५ बराबरको चेक मंगलबार हस्तान्तरण गरे ।
पूर्वी चितवनको भण्डारा निवासी चौधरी फर्निचरको कामका लागि विसं २०६९ मा कतार गएका थिए । रोजगारीका सिलसिलामा कतार पुगेका उनको सडक दुर्घटनामा परी २०७० वैशाख २९ गते निधन भएको थियो ।
निधन भएको तीन वर्षपछि जिल्ला प्रशासन कार्यालयको खातामा आएको सो रकम परिवारलाई बुझाइएको हो । चौधरीको परिवारमा अहिले आमा, श्रीमती र एक छोरी छन् ।
प्रतिक्रिया