भारत । बलिउडकी सर्वाधिक रुचाइएकी पुरानी अभिनेत्री हेमा मालिनीको अनुहारमा प्लाष्टिक सर्जरी गरिएको छ । 

 

कार दुर्घटनामा घाइते भएकी सुन्दरी हेमाको फोर्टिस अस्पतालमा प्लाष्टिक सर्जरी गरिएको हो । डाक्टर पी तम्बोलीका अनुसार हेमाको नाकमा गम्भीर चोट लागेको थियो । उनलार्इ निको हुन अझै छ हप्ता लाग्ने उनको उपचारमा संलग्न डाक्टरहरुले बताएका छन् । अहिले हेमा मालिनीको स्वास्थ्यमा क्रमिक सुधार आएको बताईएको छ ।

 

मथूराबाट राजस्थान जाने क्रममा बलिउड अभिनेत्री तथा बिजेपी सांसद मालिनी गत बिहीबार सडक दुर्घटनामा परेकी थिइन । राजस्थानको कौसा भन्ने स्थानमा हेमा चढेको गाडी अचानक अनियन्त्रित भर्इ अर्को गाडीसँग ठोकिन्न पुगेको थियो । अर्को गाडीमा सवार रहेकी एक बालिकाको भने मृत्यु भएको छ ।

 

दुर्घटनापछि हेमा अर्को कार चढेर अस्पताल पुगेकी थिइन् । भारतीय सञ्चारमाध्यमहरुका अनुसार हेमाले घाइते बालिकालार्इ तत्कालै आफूस‌ँगै अस्पताल लगेको भए उनको ज्यान बच्न सक्ने थियो । एउटी अबोध बालिकालाई बचाउन सक्ने अवस्था हुँदा हुँदै पनि समयमै अस्पताल नलगिएको टिप्पणी सञ्चारमाध्यमहरुले गरेका छन् । 

 

जे होस् नहुनुपर्ने दुर्घटना भई नै हाल्यो,  उनको सौन्दर्यमा कमी नआओस् भन्ने हेमाका फ्यानको अपेक्षा छ ।