कोलोराडो (अमेरीका)- कोलोराडोको सबैभन्दा पुरानो नेपाली भाषीहरुको सामाजिक संस्था रक्की माउन्टेन फ्रेन्ड्स अफ नेपालको आगामी कार्यकालका लागी नया कार्य समिती चयन गर्न तीन सदस्यीय निर्वाचन समिति गठन गरिएको छ ।

संस्थाका अध्यक्ष्य टीका पौडेलको अध्यक्ष्यतामा हालै सम्पन्न कार्यसमितिको बैठकले सर्बसम्मत तरिकाबाट तीन सदस्यीय निर्वाचन समिति गठनगर्न सिफारिस गरेको हो । डा. शारदा काफ्ले त्रिपाठीको संयोजकत्वमा गठीत समितिका अन्य सदस्यहरुमा कुमारजंग कार्की र अन्जुली शर्मा रहेका छन् ।

वर्तमान कार्यसमितिको कार्यकाल आगामी अप्रिल १५  (नेपाली नया बर्ष) का दिन सकिन लागेकोले  मार्च मसान्तभित्र  निर्वाचन गरिसक्ने लक्ष्य राखेर यो निर्वाचन समिति गठन गरिएको हो । आगामी मार्च महिनाभित्र निर्वाचन प्रक्रिया सम्पन्न गरी नया कार्यसमितिका पदाधिकारी र बोर्ड सदस्यहरुको नाम घोषणा गरिसक्न निर्वाचन समितिलाई अधिकार प्रदान गरिएको संस्थाका अध्यक्ष्य टीका पौडेलले बताएका छन् ।

रक्की माउन्टेन फ्रेन्ड्स अफ नेपालमा हालसम्म १४० जना आजीवन र ४० जना साधारण सदस्यहरु रहेका छन् । यस संस्थाको सदस्य बन्न संधै सबैलाई ढोका खुल्ला रहेको कुरा अध्यक्ष्य पौडेलले जानकारी गराएका छन् ।