अमेरिका- प्रहरी प्रधान कार्यालय साईबर ब्यूरो अपराध अनुसन्धान तथा अभियोजन शाखाले गैर आवासिय नेपाली संघ (एनआरएनए) मा अनावश्यक चासो देखाउंदै एनआरएनए एनसीसी जापानमा भएको निर्वाचन प्रकृयाको जानकारी माग गरेको छ । 

 

एनआरएनएका पदाधिकारीलाई पत्र पठाएर अध्यक्ष कुमार पन्त, उपाध्यक्ष डा बद्री केसी, महासचिव डा हेमराज शर्मा, सचिव गौरीराज जोशी र कोषाध्यक्षलाई पत्र पठाई यस्तो जानकारी माग गरेको हो । 

 

एउटा संस्था इन्फिकेयर प्रालि नागपोखरीका नामपनि संस्थाका नाममा पनि जानकारी दिन पत्र पठाईएको छ ।  एनआरएनए एनसीसी जापानको पछिल्लो निर्वाचनमा विद्युतिय कारोवार ऐन २०६३ अनुसार अपराध गरेको भन्ने निवेदन परेको आधारमा जवाफ मागिएको प्रहरी द्धारा प्रेषित पत्रमा उल्लेख छ । 

 

के कसरी भोटिगं भयो यसको सवै प्राविधिक विषयमा जवाफ दिन भनिएको छ । शाखामा कार्यरत प्रहरी नायव उपरीक्षक ईन्जिनियर दिपेश जोशीले पत्रमा हस्ताक्षर गरेका छन् । 

 

एनआरएनएमा व्यापक विवाद भईरहेको अवस्थामा प्रहरीले अनावश्यक चासो राखेको हो । विवादै विवादले एनआरएनए विघटन तिर गईरहेको छ । 

 

विदेशमा भएका कतिपय एनसीसी उक्त देशको कानुन अनुसार दर्ता भएका छन् । यो अवस्थामा नेपाली कानुन आकर्षित हुन्छ हुदैन, यो पत्रको जवाफ दिन आवश्यक छ छैन यसको अध्यक्ष भईरहेको एक पदाधिकारीले वताए । 

 

यो पत्रको कुनै अर्थ छैन सम्वद्ध अधिकारीले भने यो अर्थ र वर्थ हो । 

 

केही दिन अघि एनआरएनए आपैm सरकारको विरुद्ध अदालतमा मुद्दा दायर गर्न गएको थियो । यो मुद्दा अहिलेपनि अदालतमा विचाराधिन छ । 

 

आफैंले दायर गरेको मुद्दाका कारण एनआरएनए आफैं संकटमा पर्दै गएको छ  । परराष्ट्र मन्त्री डा नारायण खड्काले यो मुद्दा प्रति केही समय अघि अध्यक्ष कुमार पन्तलाई व्यंग्य समेत गरेका थिए ।