चितवन । नेपाली कांग्रेसको १४ औँ महाधिवेशनमा चितवनबाट उमेदवारी दिएका १३ जना केन्द्रीय सदस्यमध्ये चितवनका पाँच नेताले केन्द्रीय सदस्यमा बाजी मारेका छन् ।
विगत ७५ वर्षको इतिहासमा चितवनले एकैजना पनि केन्द्रीय सदस्य पाएको थिएन ।
चितवनबाट खुलातर्फ युवा नेता दिनेश कोइराला निर्वाचित भएका छन् । यस्तै, आदिवासी जनजातितर्फ कांग्रेस चितवनका पूर्वसभापति टेकप्रसाद गुरूङ र उमेश श्रेष्ठ विजयी भएका छन् ।
यसैगरी आदिवासी जनजाति महिलातर्फ युवा नेतृ अञ्जनी श्रेष्ठ निर्वाचित भएकी छन् । यस्तै, दलित महिलातर्फ शान्ति परियार निर्वाचित भएकी छन् ।
प्रतिक्रिया