काठमाडौँ । नेपालमा पछिल्लो २४ घन्टामा २९७९ जनामा कोरोना भाइरस सङ्क्रमण पुष्टि भएको छ । योसँगै अहिलेसम्म कोरोना भाइरस सङ्क्रमितको सङ्ख्या छ लाख ५० हजार १६२ पुगेको छ ।
स्वास्थ्य तथा जनसङ्ख्या मन्त्रालयका अनुसार ११ हजार ८९८ जनाको नमुना परीक्षण गर्दा २९७९ जनामा कोरोना भाइरस सङ्क्रमण देखिएको हो । मन्त्रालयले बुधबार गरेको नियमित पत्रकार सम्मेलनमा देशभर ७८३५ जनाको पिसिआर विधिबाट परीक्षण गर्दा २०७७ जनामा र ४०६३ जनाको एन्टिजेन परीक्षण गर्दा ९०२ जनामा सङ्क्रमण पुष्टि भएको जनाएको छ ।
पछिल्लो २४ घन्टामा १३३३ संक्रमित सङ्क्रमणमुक्त भएका छन्। यस अवधिमा २८ जनाको कोरोना भाइरस सङ्क्रमणबाट निधन भएको छ । देशभर सक्रिय सङ्क्रमितको सङ्ख्या २३ हजार ७५६ रहेको छ । सक्रिय सङ्क्रमितमध्ये संस्थागत आइसोलेसनमा दुई हजार ७८८ छन्। यस्तै, ५७१ आइसियूमा र १६१ जनाको भेन्टिलेटरमा राखेर उपचार गरिएको छ ।
नेपालमा हालसम्म कोरोना निको हुनेको सङ्ख्या छ लाख १४ हजार ३२७ पुगेको छ । हालसम्म कोरोनाबाट मृत्यु हुनेको सङ्ख्या नौ हजार २९१ पुगेको छ । देशभर ३३ लाख ९१ हजार ३७९ ननुनाको पिसिआर परीक्षण गरिएको छ । अहिले क्वारेन्टिनमा ३२३ जना रहेका छन् भने आइसोलेसनमा रहनेको सङ्ख्या २६ हजार ५४४ रहेको छ ।
यसैबीच, काठमाडौँ उपत्यकामा पछिल्लो २४ घन्टामा ५४३ सङ्क्रमित थपिएका छन् । काठमाडौँमा ३९०, ललितपुरमा ८७ र भक्तपुरमा ६७ जनामा कोरोना सङ्क्रमण पुष्टि भएको मन्त्रालयले जनाएको छ ।
प्रतिक्रिया