अमेरिका- एनआरएनए एनसीसी अमेरिकाको निर्वाचन रोक्न माग गर्दै अदालतमा मुद्दा दायर भएको छ । निर्वाचन तयारी अन्तिम चरणमा पुगेका वेला सुर्य लम्सालले टेनिसी राज्य स्थित डेभियसन काउन्सी अदालतमा मुद्दा दायर गरेका हुन् ।
एनआरएनए अमेरिकाले भने यसलाई भत्सर्ना गरेको छ । व्यक्तिगत स्वार्थ र कुण्ठाको भरमा सम्मानित सस्थालाई विवादमा पार्न उद्दत यस्ता कार्यको भत्सर्ना गर्दछौं एनआरएनए अमेरिकाको विज्ञप्तिमा भनिएको छ ।
संस्थालाई अप्ठ्यारोमा पार्ने गरी यो मुद्दा हाल्ने कागजातहरु उपलव्ध गराउन आईसीसी महासचिव डा.हेमराज शर्मा लगायत आईसीसी र एनसीसीका जिम्मेवार पदाधिकारीले संलग्न रहेको स्रोतले वताएको छ ।
यसरी मुद्दा हाल्न सहयोग पुग्ने गरी गोप्य डकुमेण्ट दिने पदाधिकारीलाई कारवाही गर्ने सम्मको कुरा उठेको छ ।
टेनेसी अदालतमा विहिवार मुद्दाको प्रारम्भिक सुनुवाई हुदैं छ । आजै चुनाव नियमित हुने कि रोकिने भन्ने निर्णय हुने छ । अदालतले अन्तरिम आदेश दिएन भने चुनाव यथावत हुने छ । अन्तरिम आदेश दिए चुनाव रोकिने छ ।
सुर्य लम्सालले यो निर्वाचनमा अध्यक्ष पदका लागि उम्मेदवारी दिएका थिए । तर, यस अघि मुद्दा हालेका आधारमा उनलाई पदका लागि अयोग्य ठहर गरिएको छ ।
संस्थाको विधानमा मुद्दा हाल्ने व्यक्ति उम्मेदवार हुन नपाइने उल्लेख छ । तर, यो विद्यान संशोधन प्रकृया अनुसार एनआरएनए बोर्डवाट स्विकृत भएर गएको थिएन । यो डकुमेण्ट लम्साल पक्षका वकिलले अदालतमा राखेका छन् ।
एनआरएनए अमेरिकाका वकिलले विहिवार आफ्नो तर्फवाट तर्कहरु राख्ने छन् । एनआरएनए अमेरिका भने नियमित चुनावी प्रकृया अगाडी वढाउने भन्ने पक्षमा छ ।
एनआरएनए अमेरिकाको चुनावी प्रकृया निकै अगाडी वढिकसेको छ । करिव ४०० जना उम्मेदवार छन् । चुनावी प्रकृृयामा व्यापक समय र खर्च पनि भईसकेको छ । करिव २० हजार सदश्य रहेको एनआरएनए अमेरिका सवैभन्दा ठुलो एनसीसी पनि हो ।
यो पनि पढ्नु होला >>एनआरएनए अमेरिका चुनाव विवाद अदालतले निर्वाचन रोकेन
प्रतिक्रिया