मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

प्रेमीसँग मिलेर आफ्नै छोरीले गरिन् आमाको हत्या

प्रेमीसँग मिलेर आफ्नै छोरीले गरिन् आमाको हत्या


काठमाडौं । भक्तपुरमा चाँगुनारायण वडा नम्बर ७ बाँसबारीकी ६० वर्षीया सावित्री भट्टराईको हत्यामा संलग्न चार अभियुक्तलाई प्रहरीले पक्राउ गरी सार्वजनिक गरेको छ । 
 
महानगरीय प्रहरी अपराध महाशाखाको टोलीले हत्या गरिएकी भट्टराईको छोरीसहित चार जनालाई सोमबार सार्वजनिक गरेको हो ।
 
पक्राउ पर्नेमा हत्या गरीएकी भट्टराइको छोरी ईश्वरी भट्टराई, सिरहाका मोहम्मद नौशाद, अर्जुनकुमार भनिने भोलाकुमार र मोहमद रइस छन् । उनलाई प्रहरीले आइतबार राति धादिङको गजुरीबाट पक्राउ गरेको थियो । 
 
भक्तपुरमा आइतबार दिउँसो आफ्नै छोरीले प्रेमीसँग मिलेर आमाको हत्या गरेको खुलेको हो । 
 
प्रहरीका अनुसार प्रेमीसँग मिलेर उनले आमाको हत्या गर्न अर्जुनकुमार भनिने भोलाकुमार र मोहमद रइसलाई सुपारी दिएको प्रहरीले जनाएको छ । प्रेम सम्बन्धका कारण आफ्नै आमाको हत्या गरेको प्रारम्भिक अनुसन्धानबाट खुलेको प्रहरीले बताएको छ । 
 
ईश्वरी पुरानो ठिमीका मोहम्मद नौसादसँग सम्बन्ध रहेकीमा थिइन् । भट्टराईको आइतबार बिहान चक्कु प्रहार गरी भएको हत्या भएको थियो । एजेन्सी