काठमाडौँ । प्रधानमन्त्री केपी शर्मा ओलीले टीकापुर घटनाको अभियोगमा कैद सजाय भोगिरहेका सांसद रेशम चौधरीलाई उपचारका क्रममा साङ्लो लगाउनेलाई कारवाही गर्न निर्देशन दिएका छन् ।
उनले मुख्य सचिव लोकदर्शन रेग्मीलाई फोन गरी अस्पताल भर्ना भएका चौधरीलाई साङ्लो लगाउनेलाई कारवाही गर्न निर्देशन दिएको उनँका प्रेस संयोजक चेतन अधिकारीले जानकारी दिए ।
“प्रधानमन्त्रीले साङ्लो तुरुन्त खोल्न र त्यो लगाउनेलाई कारवाही गर्न मुख्यसचिवलाई निर्देशन दिनुभएको छ”, उनले भने । उपचारका क्रममा बीर अस्पतालमा भर्ना भई शै्यामा रहदा चौधरीलाई साङ्लो लगाइएको थियो ।
उपचारका क्रममा साङ्लो लगाइएको घटनाको राजपालगायत रेशम चौधरी समर्थकले सामाजिक सञ्जालमा सरकारको चर्को विरोध गरेका थिए ।
प्रतिक्रिया