स्वर्गीय पूर्व शिक्षामन्त्री धनीराम (डीआर) पौडेलको पार्थिम शरीरमा नेपाल कम्युनिष्ट पार्टी ९नेकपा०का अध्यक्ष पुष्पकमल दाहाल ‘प्रचण्ड’ लगायत शीर्ष नेताहरुले अन्तिम श्रद्धाञ्जली दिएका छन् ।
माडी पुगेर अध्यक्ष प्रचण्डसहित नेता बामदेव गौतम, नारायणकाजी श्रेष्ठ, देव गुरुङ, गृहमन्त्री रामबहादुर थापा ‘बादल’, शिक्षा मन्त्री गिरिजमणी पोखरेल, अमिक शेरचन, जिल्लास्थित नेताहरुलगायतले पौडेलको पार्थिव शरीरमा श्रद्धाञ्जली अर्पण गरेका हुन् ।
आज बिहान ७ बजे हृदयघातबाट पूर्व मन्त्री पौडेलको निधन भएको थियो । उनी प्रचण्ड दोस्रो कार्यकाल प्रधानमन्त्री बन्दा शिक्षा मन्त्री बनेका थिए । सरल स्वभावका पौडेल सबैका प्रिय व्यक्ति थिए । उनको श्रीमती र दुई छोरीहरु छन् ।
गृहमन्त्री रामबहादुर थापाले नेपालको गणतन्त्र स्थापनामा स्व डीआर पौडेलको महत्वपूर्ण योगदान रहेको बताए । भरतपुरमा आज पत्रकारसँग कुराकानी गर्दै उनले नेपालमा भएका विभिन्न आन्दोलनमा पौडेलले पु¥याएको योगदान अतुलनीय रहेको बताए ।
पञ्चायतकालदेखि सङ्घीय गणतन्त्र स्थापनासम्म पौडेलले देशका विभिन्न ठाउँमा रहेर योगदान पु¥याउनुभएको थापाको भनाइ थियो । नेपाल सरकारको शिक्षामन्त्रीका रूपमा रहेर शैक्षिक विकासमा पौडेलले महत्वपूर्ण भूमिका निर्वाह गरेको थापाले बताए ।
नेपाली समस्त आन्दोलनका एउटा नेताको संज्ञा दिँदै मन्त्री थापाले पौडेलको निधनबाट सिङ्गो पार्टीमा क्षति पुगेको छ भने । पौडेलको ५३ वर्षको उमेरमा आज बिहान माडीस्थित आफ्नै निवासमा हृदयाघातका कारण निधन भएको थियो । मन्त्री थापा स्व पौडेललाई अन्तिम श्रद्धाञ्जली दिन यहाँ आएका हुन् ।
पौडेलको आज माडीमा अन्त्येष्टि भएको छ । उनलाई अन्तिम श्रद्धाञ्जलि दिन नेपाल कम्युनिष्ट पार्टी (नेकपा)का अध्यक्ष पुष्पकमल दाहाल (प्रचण्ड), प्रवक्ता नारायणकाजी श्रेष्ठ, नेता वामदेव गौतमलगायतका नेता चितवन आएका थिए ।
प्रतिक्रिया