काठमाडौं । काठमाडौंका गोंगबुस्थित पिस ग्लास हाउसमा सिलिन्डर ग्यास विष्फोट हुँदा बुधबार एक जनाको मृत्यु भएको छ ।
घटनास्थलमा रहेका स्थानीयका अनुसार त्यहाँ बर्नर विग्रिएको एक सिलिन्डरको मर्मत गर्ने क्रममा एक्कासि आगलागी भएको थियो ।
ग्यास विष्फोट हुँदा गम्भीर घाइते भएका अन्य चार जनालाई उपचारका लागि त्रिवि शिक्षण अस्पताल, महाराजगञ्ज लगिएको थियो । मृत्यु हुनेमा नुवाकोटको बेलकोटका काजी तामाङ छन् । त्यहाँ उपचारका क्रममा तामाङको मृत्यु भएको हो ।
महानगरीय प्रहरी वृत्त, महाराजगञ्जका डीएसपी फडिन्द्र प्रसाईंका अनुसार तामाङको बुधबार दिउँसो २ः४५ बजे मृत्यु भएको हो । घटनामा गम्भीर घाइते हुनेमा कैलाश श्रेष्ठ, राजु बिसी, रेशम तामाङ र अनिल पोखरेल रहेका छन् । उनीहरुको अवस्था गम्भीर रहेको प्रहरीले जनाएको छ ।
ग्यास कसरी विष्फोट भयो भन्ने सम्बन्धमा प्रहरीले अनुसन्धान गरिरहेको जनाएको छ । विष्फोट भएको सीसा कारखानामा एलपीजी ग्यास र अक्सिजन सिलिन्डर प्रयोग हुने गरेको थियो ।
प्रतिक्रिया