काठमाडौँ । गृह मन्त्रालयले निर्मला पन्त हत्याको छानबिनमा लापरबाही गरेको आरोपमा नेपाल प्रहरीका दुई प्रहरी अधिकारीलाई बर्खास्त गरेको छ ।
मन्त्रालयले आज प्रहरी उपरीक्षक डिल्लीराज विष्ट र प्रहरी निरीक्षक जगदीश भट्टलाई भविष्यमा सरकारी सेवाका लागि अयोग्य नठहरिने गरी बर्खास्त गर्ने निर्णय गरेको हो ।
प्रवक्ता रामकृष्ण सुवेदीले विज्ञप्ती जारी गरेर गृह मन्त्रालयले सोधेको स्पष्टीकरणमा चित्तबुझ्दो जवाफ नआएपछि बर्खास्त गरिएको जानकारी दिए ।
द्धय प्रहरी अधिकारीलाई प्रहरी नियमावली २०७१ को नियम ११३ को उपनियम १ को देहाय ९क०को कसुरमा नियमावलीको नियम १०९ को खण्ड ९ख० १ बमोजिम बर्खास्त गरेको जनाइएको छ ।
साउन १० गते साथीको घरमा गएकी कञ्चनपुरकी १३ वर्षीया बालिका पन्तको बलात्कारपछि हत्या भएको थियो ।
सो घटनामा कञ्चनपुरका तत्कालीन प्रहरी प्रमुख विष्ट र वडा प्रहरी कार्यालय महेन्द्रनगरका प्रमुख भट्टले अनुसन्धानमा लापरबाही गरेको भेटिएको थियो । सरकारी छानबिन समितिले प्रहरी लापरबाही भएको रिपोर्ट दिएपछि विष्ट र भट्टलाई स्पष्टीकरण सोधिएको थियो ।
प्रतिक्रिया