मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

रामनगर गोलीकाण्डका फरार अपराधी सात वर्षपछि पक्राउ

रामनगर गोलीकाण्डका फरार अपराधी सात वर्षपछि पक्राउ


 
चितवन । भरतपुर महानगर–१, रामनगरस्थित जगदम्बा पेट्रोल पम्पका म्यानेजर भरत घिमिरेलाई गोली हानी हत्या गर्ने अपराधी सात वर्षपछि पक्राउ परेका छन् ।
 
गोरखाको साविक धावा गाविस वडा नं १ घर भई ताप्ले–३ बस्ने वर्ष ४६ का श्याम नेपाली भनिने रोकाहालाई प्रहरीले पक्राउ गरेको हो ।
 
प्रदेश नं ३ प्रहरी कार्यालय हेटौँडाको क्षेत्रीय अनुसन्धान टोली, जिल्ला प्रहरी कार्यालय चितवन र जिल्ला प्रहरी कार्यालय गोरखाबाट खटिएको विशेष प्रहरी टोलीले खुनडाँका मुद्दाको फरार अभियुक्त श्यामलाई शुक्रबार गोरखा जिल्लाबाट पक्राउ गरेको हो । 
 
पक्राउ परेका श्यामलाई आतबार नै चितवन जिल्ला अदालतमा बुझाएर अदालतको आदेशले कारागार कार्यालय भरतपुरमा थुनामा पठाइएको प्रहरीले जनाएको छ ।
 
चितवन अदालतले कारबाहीका लागि श्यामलाई खुनडाँका मुद्दामा २०६९ फागुन १० गतेको फैसलामा मुल्तवीमा रहेकोले जगाइ कारबाही हुने र हातहतियार खरखजना मुद्दामा २०७३ असार २७ गतेको फैसलाबाट ३ वर्ष कैद र २० हजार रुपैयाँ सजाय तोकेको थियो । उनी सोही बेलादेखि फरार थिए ।
 
२०६७ चैत्र २३ गते बिहान अन्दाजी पौने ५ बजेको भरतपुर–१ रामनगरस्थित जगदम्बा पेट्रोल पम्पका म्यानेजर घिमिरेलाई गोली हानी हत्या गरी पेट्रोल पम्पमा भएको नगद तथा धनमाल डाँका गरी फरार भएका थिए । 
 
सो घटनामा संलग्नमध्ये सुनिल गुरुङ, विजय भनिने रामबहादुर तामाङ र विनोद भनिने भेषबहादुर थापा सोही समयमा पक्राउ परी हाल कारागार कार्यालय भरतपुरमा थुनामा छन् ।
 
सो घटनामा संलग्नमध्ये एक सिन्धुलीको साविक महादेवस्थान गाविस वडा नं ४ बस्ने वर्ष ३१ का अर्पण भनिने उमेश माझी हालसम्म फरार रहेका छन् । उनको अझै खोजतलास भइरहेको चितवन प्रहरीका प्रवक्ता शिव शर्मा आचार्यले जानकारी दिए ।