चितवन । नारायणगढ–मुग्लिन सडकखण्डअन्तर्गत चितवनको दासढुङ्गामा यात्रुबाहक बस दुर्घटना हुँदा २४ यात्रु घाइते भएका छन् ।
नारायणढबाट गोरखा जाँदै गरेको ग १ ख ४०२१ नम्बरको बस आइतबार साँझ दुर्घटनामा परेको हो ।
दुर्घटनामा घाइतेमध्ये केहीको अवस्था मध्यम र केहीको सामान्य रहेको प्रहरी चौकी जुगेडीका प्रहरी नायव निरीक्षक सुरेश पालले जानकारी दिए ।
घाइतेमध्ये १८ जनाको कलेज अफ मेडिकल साइन्सेस, भरतपुर र ६ जनाको भरतपुर अस्पतालमा उपचार भइरहेको प्रहरीले जनाएको छ ।
बसले ओभरटेक गर्न खोज्दा दुर्घटना भएको गाडीमा सवार यात्रुले बताएका छन् ।
प्रतिक्रिया