चितवन । नारायणगढ–मुग्लिन सडकखण्डअन्र्तगत भरतपुरको आँपटारीमा बिहीबार बिहान पिच पेल्ने रोलरले किच्दा एक जनाको मृत्यु भएको छ ।
जिल्ला प्रहरी कार्यालय चितवनले दिएको जानकारीअनुसार नारायणगढ–मुग्लिन सडकखण्डको पिच पेल्ने क्रममा को १ क ४७८ नम्बरको रोलरले किचेर तनहुँ डुम्रेका अन्दाजी २१ वर्षीय कृष्ण गुरूङकोे मृत्यु भएको हो ।
मृतक गुरूङ मानसिक सन्तुलन गुमेको र तेस्रो लिंगी व्यक्ति भएको चितवन प्रहरीले जनाएको छ । रोलरले किचेर गम्भीर घाइते भएका गुरूङलाई उपचारका लागि भरतपुर अस्पताल लैजाने क्रममा बाटोमै मृत्यु भएको प्रहरीले जनाएको छ ।
रोलर र चालकलाई वडा प्रहरी कार्यालय नारायणगढले नियन्त्रणमा लिएको छ ।
प्रतिक्रिया