चितवन । नारायणगढ मुग्लिन सडकअन्तर्गत भरतपुर महानगरपालिका २९ स्थित गाईघाटमा आज बिहान साढे ५ बजे कन्टेनरसँग ठोकिएर दूध बोक्ने ट्यांकर त्रिशूली नदीमा खस्दा दुई जनाको मृत्यु भएको छ ।
नारायणगढबाट पोखरा जाँदै गरेको बा४ख ६९५३ नम्बरको दूध बोकेको ट्यांकरलाई विपरीत दिशाबाट आएको ना ७ ख ४३१४ नम्बरको ट्रकसँग ठक्कर खाएको थियो । ट्यांकर सडकबाट एकसय मिटर तल त्रिशूली नदीमा खसेको र पानीमा थोरै भाग मात्र देखिएको चितवन प्रहरीले जनाएको छ ।
मृत्यु हुनेमा ट्यांकरका चालक नवलपरासी कोल्हुवाका ३० वर्षीय सन्तबहादुर कुमाल र उनका भतिजा २२ वर्षीय लीला कुमाल रहेको जिल्ला प्रहरी कार्यालयका प्रवक्ता सई प्रभुप्रसाद ढकालले जानकारी दिए ।
प्रतिक्रिया