गोरखा । बहुचर्चित गोरखा क्षेत्र नम्बर २ मा डा बाबुराम भट्टराईले फराकिलो मतअन्तर ल्याएपछि माओवादी केन्द्रका उम्मेदवार नारायणकाजी श्रेष्ठले मतगणना नसकिँदै बधाई दिएका छन् । उनले प्रतिद्वन्द्वी बाबुराम भट्टराईलाई बधाई दिँदै मतदाताको निर्णयलाई शिरोधार्य गर्ने बताएका छन् ।
“गोर्खा २ का आदरणीय मतदाताको निर्णयलाई शिरोधार्य गर्दै विजयका निम्ति डा। बाबुराम भट्टराईलाई हार्दिक बधाई । उनले शनिबार दिउँसो ट्वीट गर्दै भनेका छन्, "निर्वाचनमा मलाई समर्थन र सहयोग गर्नुहुने मतदाता, वाम गठबन्धनका नेता–कार्यकर्ताहरु, आफन्तजन, शुभेच्छुकहरु सबैलाई आभार तथा धन्यवाद ।”
गोरखा २ मा अझै केही मत गणना गर्न बाँकी नै छ । श्रेष्ठले भट्टराईलाई टेलिफोनसमेत गरेर बधाई दिइसकेका छन् ।
श्रेष्ठले निर्वाचन परिणाम जे जस्तो भए पनि देश, जनता, सत्य र न्याय प्रतिको निष्ठामा अविचलित रहेर सक्रिय हुने प्रण गरेका छन् । उनले नेपाली जनता र गोर्खाका जनताको सेवामा समर्पित रहने प्रतिबद्धता जनाएका छन् ।
प्रतिक्रिया