मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

प्रचण्डलाई २१७७ मतको अग्रता, गणक बढाउने तयारी

प्रचण्डलाई २१७७ मतको अग्रता, गणक बढाउने तयारी


चितवन । चितवन क्षेत्र नं ३ मा  माओवादी केन्द्रका अध्यक्ष पुष्पकमल दाहाल प्रचण्डले अग्रता कायम राखेका छन् । राप्रपा प्रजातान्त्रिकका उपाध्यक्ष विक्रम पाण्डेलाई पछि पादै उनले अग्रता कायम गरेका छन् ।
 
दाहालले ५३४४ मत प्रप्त गर्दा पाण्डेले ३१६७ मत प्राप्त गरेका छन् । दाहाललाई एमालेले सहयोग गरेको छ भने पाण्डेलाई नेपाली कांग्रेसको साथ रहेको छ । 
 
चितवन क्षेत्र नम्बर ३ मा १ लाख २५ हजार ८२३ मतदाता छन् । दाहाल र पाण्डेसहित १४ जना उम्मेदवार चुनावी मैदानमा छन् । दाहालले २१७७ मतले अग्रता कायम राखेका छन् ।
 
गणक बढाउने तयारी सुरु
 
चितवनमा नतिजा आउने क्रम ढिला भएपछि गणक बढाउने तयारी सुरु भएको छ । मुख्य निर्वाचन अधिकृत कुलप्रसाद शर्माले दिएको जानकारीअनुसार चितवनमा मतगणना टोली बढाउने तयारी गरिएको बताए । मत परिमाण आउन ढिला भइरहेको अब नतिजा छिटो गर्न गणक थपेर गन्ने कार्य हुने उनले बताए । अहिले नयाँ तारजाली थप गरी मतगणना स्थल बढाउने तयारी भइरहेको छ ।