मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

बीपी राजमार्गमा नियम उल्लंघन गर्ने सवारीसाधनलाई कारबाही

बीपी राजमार्गमा नियम उल्लंघन गर्ने सवारीसाधनलाई कारबाही


धुलिखेल – काभ्रेपलाञ्चोकको धुलिखेल–सिन्धुली–बर्दिबास सडकखण्डको बीपी राजमार्गमा चल्ने अधिकांश सवारीसाधनलाई नियम उल्लंघन गरी चलाएको भन्दै यातायात व्यवस्था विभागको टोलीले कारबाही गरेको छ । 
 
विभागको टोलीले बीपी राजमार्गअन्तर्गत काभ्रेपलाञ्चोकको धुलिखेल नगरपालिकाको काभ्रेभञ्ज्याङमा गरिएको अनुगमनमा उक्त राजमार्ग भएर चल्ने अधिकांश सवारीसाधनले यात्रुसँग तोकिएको दरभन्दा बढी भाडा असुल्ने, रूट परमिट नै नभएका गाडी चलाउने र १८ सिट क्षमता र १० टनभन्दा बढीको सवारीसाधन चलाउन नपाइने व्यवस्थालाई उलंघन गरी ठूला यात्रुवाहक बस चलेको पाइएको जनाएको छ । त्यसरी नियम उलंघन गर्ने सवारीसाधनलाई कारबाही गरी आवश्यक कागजातसमेत नियन्त्रणमा लिइएको छ । 
 
अनुगमनको क्रममा टोलीले मालवाहक गाडीमा मान्छे ओसारेका सवारीसाधनलाई समेत कारबाही गरेको छ । 
बढी भाडा लिएको विषयमा अधिकांश सवारी चालकले भने आफूहरुले भन्दा पनि काउन्टरबाट नै त्यसरी बढी भाडा लिएर टिकट कटाउने गरेको बताए । 
 
सो राजमार्ग भएर पूर्वको १५ जिल्लासँगै तराईका सातवटा जिल्लालाई राजधानीसँग जोड्न नजिकको मार्गका रुपमा विकसित भएको बीपी राजमार्गमा दसैँ आएसँगै सवारी चाप एकाएक वृद्धि भएको छ । (रासस)