साउन २९- केही वर्ष देखी सन्यासी जीवन बिताएका नेपाल प्रहरीका पूर्व आई.जी पी हेम बहादुर सिहंका छोरा ३७ वर्षीय प्रभन्जनबहादुर सिंह यतिबेला देशका कुना कुनामा साधुहरुको गोप्य भेला गराउन थालेका छन् । विगत दिन देखिनै उनको विषयमा फलो गर्दै आएको हिमालय खबरले यस पटक पनि उनको पछिल्लो कृयाकलापकोे खोजतलास गरेको छ ।
परिवार त्यागेर २०७० साल जेठ ११ गते गुरु योगी शीर्षनाथबाट दिक्षा लिएर व्याघ्र वेदनाथको नयाँ परिचयका साथ सन्यासी जीवन जिएका उनी यतिबेला सक्रिय धार्मिक राजनीतिमा जुटेका छन् । कहिले देबघाट बागेश्वरी क्षेत्र कहिले पशुपतिनाथ क्षेत्रको मृगस्थली कहिले खप्तड क्षेत्र त कहिले सुदुर पूर्व र सुदुर पश्चिमका विभिन्न धार्मिक क्षेत्रहरूमा अवस्थित विभिन्न योगीहरुको कुटीमा करिब तिन वर्ष ध्यानमा बिताएका उनले यतिबेला जोगीहरुमा धार्मिक राजनीतिको बिजारोपण गर्दै मर्यादित राज संस्थाको वकालत गरेका छन् ।
एक कार्यक्रममा शनिवार चितवनमा सहभागी उनले देश व्यापी रूपमा जोगिहरुलाई सङ्गठित गर्ने अभियान केन्द्रित गरेको बताए । गोरखनाथको नाथ परम्परा अनुरूप चारै सम्प्रदायका सन्तमन्तहरुलाई एक जुट बनाएर राष्ट्यि एकताको प्रतीक राजसंस्था स्थापित गर्ने अभियान आफूले सुरु गरेको उनी बताउछन् । पहिलो चरणमा सिमावर्ती भारत र नेपालको पूर्वी तराईका साधु सन्त महन्तहरुलाई सङ्गठित गरेर सनातन हिन्दु धर्मको संरक्षणमा सरिक बनाउने जानकारी दिए । पृथ्वी नारायण शाहले नेपाल एकिकरण गर्दा जोगिहरुलाई प्रयोग गरी एकिकरण सफल भएको बताउदै उनले आफुहरुले नेपाललाई हिन्दु राष्टकै रूपमा स्थापित गर्न चाहेको खुलासा गरे ।
सनातन हिन्दु धर्म विश्वको उत्कृष्ठ धर्म भएको बताउदै उनले हिन्दु धर्मका बिक्रीती सुधार गर्ने र त्यसका राम्रा कुराहरूलाई व्यवहारमा प्रयोग गरी मुलुकलाई विश्वको समुन्नत राष्ट् निमार्ण गर्न सकिने उनको तर्क छ । नेपालले योग ध्यान र प्राकृतिक चिकित्सामा विश्वको अगुवाई गर्न सक्ने हुँदा सनातन धर्मका सही कुरा व्यवहारमा लागु सके कुनै पनि नागरिक गरिबीको मारमा बाच्नु पर्ने अवस्था नआउने उनको तर्क छ । भगवान् लाई श्री भन्ने आफूलाई श्री एक हजार आठ भन्ने स्वघोसित साधुहरुकै कारण हिन्दु धर्म सङ्कटमा परेको उनले तर्क गरे । उनका अनुसार देशमा करिब ५ लाखको हाराहारीमा साधुहरु छन् ।
जो घरबार त्यागेर सन्यासी बने अव उनीहरूकै बल ध्यान योग र साधनाले देश हिन्दु राष्ट् घोषणा हुन्छ । पाच लाख जोगीले एकै साथ त्रिशुल खडा गरे एक मिनेटमा नेपाल देश राज संस्था सहितको हिन्दु राष्ट् घोषणा हुने उनी बतताउछन् । आफू हिन्दु धर्मको विश्वमा प्रचार गर्न र संरक्षण गर्न पनि यसको अध्यान तथा खोजमा लागेको भन्छन् उनी । देश भरी मठ मन्दिर र गुरुहरुको नाममा रहेको गुठी संस्थान अन्त्रगतको जमिनलाई व्यवस्थित गरी सुविधा सम्पन्न गुरुकुल निमार्णमा आफ्नो सहभागिता हुने उनी बताउछन् । उनले देशका हरेक युवालाई सङ्गठित गरी हिन्दु धर्म र संस्कारको ज्ञान दिनु वर्तमानको टड्कारो आवस्यक्ता रहेको बताए ।
राष्ट् निमार्ता पृथ्वी नारायण शाह, राजा महेन्द्र र बाबा गोरखनाथ योगी नरहरी नाथले कल्पना गरेको नेपाल र विकासका नीति लाई आम जनमानसमा प्रचार गरी त्यही मार्गदर्शनका साथ अघि बढने आफ्नो संकल्प रहेको उनले बताए । उनले सनातन हिन्दु धर्मको रक्षा र देशको विकासका लागी मुलुकमा मर्यादित राज संस्था आवश्यक रहेको बताए । नेता पाटीको राज संस्था राष्ट्को उनले भने राष्ट् हित र रक्षाका लागी राज संस्था अपरिहार्य छ त्यो नेपालले फेरी पाउनेछ त्यसका लागी जोगीहरुले ज्यान दिन तयार छन् । उनी पूर्व युवराज पारस शाहका अन्यान्त मिल्ने साथी हुन् । उनी दरबार निकट भएकाले उनको हरेक अभियानलाई निकै चासोका साथ हेरिएको छ ।
प्रतिक्रिया