पाँचथर । पाँचथरको रानिटार–१ स्थित नाम्दु खोला भीरबाट लडेर एकजना वृद्धको मृत्यु भएको छ ।
मृत्यु हुनेमा रानीटार–१ का ८१ वर्षीय सार्कीमान राई रहेका छन् । घाँस काट्न भनी हिँडेका उनी अबेरसम्म पनि घर नफर्केपछि बिहीबार बेलुकामात्रै स्थानीयले शव फेला पारेका थिए । शव परीक्षणको लागि अहिले जिल्ला अस्पताल पाँचथरमा ल्याइएको जिल्ला प्रहरी कार्यालय पाँचथरका प्रहरी निरीक्षक विजय श्रेष्ठले जानकारी दिए ।
सिटी रिक्साको ठक्करबाट मृत्यु
यसैबीच, मोरङको विराटनगर–१९ स्थित भट्टिमोडमा सिटी रिक्साको ठक्करबाट घाइते भएका ४८ वर्षीय नारायण महतको उपचारका क्रममा बिहीबार राति मृत्यु भएको छ । गत असार ८ गते पैदल हिँड्दै गरेका महतलाई को १ ह ३४७२ नम्बरको सिटी रिक्साले ठक्कर दिएको थियो ।
ठक्करबाट गम्भीर घाइते भएका महतको विराटनगरस्थित गोल्डेन अस्पतालमा उपचारका क्रममा राति १०ः४० बजे मृत्यु भएको हो । ठक्कर दिने सिटी रिक्साका चालकलाई इलाका प्रहरी कार्यालय रानीले नियन्त्रणमा लिएको छ । रासस
प्रतिक्रिया