नेपालमा भुकम्प गयो । कहां युटुवमा । कति रेक्टर स्केलको १ दशमलव २० (१२ लाख) चुनावसम्म कति पुग्छ थाहा छैन । समाजिक संजालमा भेटिएको यस्तो दिमाग खराब गराउने प्रतिकृया दिमाग खराब फिल्मलाई नै लक्षित गरेर राखिएको हो ।

कलाकार निश्चल बस्नेतले निर्देशनमा वनेको उक्त फिल्म यसै साता युटुवमा राखिएको छ । त्यहां राखिएको एक दिनमै १२ लाखले उक्त फिल्म हेरेका छन् ।

२०२३ नोभेम्बरको अन्तिममा रिलिज भएको उक्त फिल्मले राजनीतिक विषय वस्तु वोकेको छ । केही साता पछि नेपालमा संसदिय चुनाव हुन लागेको बेला त्यस्तै राजनीतिक विषय समेटिएको फिल्म किन कसरी, के उद्देश्यले रिलिज गरिएको भन्ने प्रश्नले कयौंको दिमाग खराव वनाएको छ ।

यो फिल्म नेपालमा केही दिन पछि हुन गईरहेको आम निर्वाचनको मुख्य चुनावी मुद्दा नयां र पुराना राजनीतिक नेता पार्टीको विषयमै केन्द्रित छ ।

विदेश जान नांगो खुट्टा विमानस्थल पुगेको पात्र इन्द्र (खगेन्द्र लामिछाने)को विदेश जांन नपाएको पिडावाट फिल्म शुरु हुन्छ । विस्तारै उसको गरिबी, नगरका मेयरसंग जोडिदै फिल्मले राजनीतिक रुप लिन्छ । आफ्नो अवस्था र देश वदल्नका लागि विदेश जान नपाएको युवा इन्द्र आफैं चुनावमा उठ्ने घोषणा गर्छ ।

तर, केही कारणले उसले आफ्नो उम्मेदवारी दिन सक्दैन । र आफ्नै साथी भोला (दयाहागं राई)लाई चुनावमा उम्मेदवार वन्छन् ।

फिल्म हो नयां युवा जोशका भोलाले चुनाव जित्छन् । २० हजार ८२१ भोट ल्याएर, बास्तविकतामा ठ्याक्कै त्यती भोट घरानमा हर्क सापागंले ल्याएका थिए ।

फिल्ममा इन्द्रले नयां चप्पल लगाएर आफु अर्को पटक चुनाव उठ्ने घोषणा गरेर सकिन्छ ।

यो फिल्ममा राखेपछि त्यहां आएका प्रतिकृयामा धेरैले इन्द्रलाई रवि लामिछाने र भोलालाई बालेन (बालेन्द्र) शाहको रुपमा देखाईएको प्रतिकृया दिएका छन् । बालेन अहिले प्रधानमन्त्रीका उम्मेदवार हुन् ।

यो फिल्मले पुराना राजनीतिक पार्टी जो विगतमा सत्तामा गएका थिए उनीहरुलाई स्वतन्त्र रुपमा उठेका युवाले हराएको देखाईएको छ । हराएको देखाईएको मात्र छैन किन हराउनु पर्छ भन्ने समेत प्रस्तुत गरिएको छ ।

त्यसैले यो फिल्म हेर्दा र अहिले युटुवमा सवैको लागि राखिंदा यो संयोग मात्र होइन कि भन्ने प्रश्न भने उठिरहन्छ । कतिको प्रतिकृया त यो फिल्मले बालेन शाह रवि लामिछानेहरुलाई व्यापक चुनावी फाइदा हुने उल्लेख पनि गरेका छन् । यही उद्देश्यमा फिल्म वनाईएको प्रतित हुन्छ । केही दृष्यहरु त अहिलेको चुनावी सन्दर्भ पारेर थपिएका जस्तो पनि भान हुन्छ ।

सिनेमाको अन्तिममा नेपाली राष्ट्रिय झण्डा, अकासे रंगका झण्डा वोकेर जनता पुराना नेता विरुद्ध सडकमा आएको दृष्य राखिएको छ । अकासे रंग राष्ट्रिय स्वतन्त्र पार्टीको आधिकारिक रंग मानिन्छ ।

अकासे झण्डा बोकेको जुलुस, इन्द्रको ठाउंमा भोला चुनाव उठ्ने सन्दर्भ अहिलेको चुनावको आवश्यकता अनुसार थप गरिएको हो कि जस्तो लाग्छ । पहिला रिलिज हुदां फिल्ममा ति दृष्य थिए थिएनन हामीले यसलाई पुष्टि भने गर्न खोजेनौं ।

जो होस यो फिल्म चुनावी मुद्दा बन्ने पक्का छ । केही दिन यसले राजनीतिक बहस चलाईरहने छ ।