अमेरिका- असक्षम पदाधिकारीका कारण लफडै लफडामा पर्दै आएको एनआरएनए एनसीसी अमेरिकामा अर्को संकट थपिएको छ । निर्वाचन भन्दा दुई दिन अघि निर्वाचन समितिका संयोजक लगायत सदश्यहरुले राजिनामा दिएका छन् । एउटा गुटले भने पहिलेनै निर्वाचन भईसकेको दावी गर्दै आएको थियो ।

अमेरिकाको कानुन अनुसार दर्ता भएको एनआरएनए अमेरिकाको साधारण सभाले वासु फुलारालाई निर्वाचन संयोजकको जिम्मेवारी दिएको थियो । यसै साता मतदान गर्ने दिन तोकिएको थियो । तर, फेसवुकमा स्टाटस लेखेर फुलाराले आफु लगायत निर्वाचन टिमले राजिनामा दिएको जानकारी गराएका छन् ।

वद्री केसी गुटको एनआरएनएले यस अघि अर्कौ निर्वाचन समिति वनाएको थियो । त्यो निर्वाचन समितिले पनि निर्वाचन गरेको दावी गर्दै आएको छ ।

साधारण सभाले गठन गरेको निर्वाचन समितिले राजिनामा दिए पछि अव के हुन्छ भन्ने वारेमा भने एनआरएनए अमेरिकाले आधिकारिक धारणा सार्वजनिक गरेको छन् । तर, अमेरिका वस्ने नेपाली समुदाय भने पदाधिकारीहरु नै असक्षम भएकाले अहिले सम्म भएका लफडा खारेज गरेर नयां शुरुआत गर्नु पर्ने पक्षमा छन् ।

क्षकयौंले सामाजिक संजालले अहिलेको अवस्थामा एनआएनए खारेज गरेपनि हुने सम्मका स्ट्याटस लेखेका थिए । एनआरएनए अमेरिकाका टेनिसी राज्यमा दर्ता भएको स्वतन्त्र संस्था भए पनि पदाधिकरीहरु विचनै लफडा भईरहेको थियो । कार्यसमितिनै दुई गुटमा वांडिएको थियो । केही महिना अघि एनआरएनए अमेरिका र बद्री केसी विच तल्लो स्तरको विवाद समेत भएको थियो ।

यसले गर्दा दुई वटा निर्वाचन समिति गठन भएका थिए । यो विभाजनले निर्वाचन गर्न दुवै समितिलाई प्राविधिक समस्याहरु थिए । अहिले फुलाराले पनि यस्तै प्राविधिक समस्याका कारण राजिनामा दिएको वताईएको छ ।