अमेरिका- मध्येपुर्वमा वढ्दो तनावका कारण खाडी देश कतारले आफ्नो आकास अस्थायी रुपमा वन्द गरेको छ । कतारको परराष्ट्र मन्त्रालयले जुन २३ सोमवार विज्ञप्ति जारी गरी राष्ट्रिय सुरक्षा सुनिश्चित गर्न आकास मार्ग अस्थायी रुपमा वन्द गरिएको घोषणा गरेको हो । यो निर्णय इजराल, इरान र अमेरिका विचको तनाव वढ्दै जांदा सैन्य गतिविधि बढ्न थालेको पृष्ठभूमिमा गरिएको हो ।

यो निर्णयले खाडी मुलुकमा काम गर्न जाने र कतार भई अन्य देशमा जाने नेपाली यात्रुलाई समेत प्रभाव पर्ने छ । नेपाल जाने पर्यटकलाई समेत सास्ती हुने छ ।

इरानका परमाणु संरचनामा अमेरिकाले बम खसालेपछि इरान पनि प्रतिकारमा उत्रिएको छ । सोमवार विहान देखिनै इरान र इजरायल विच क्षेपास्त्र हानाहान भईरहेको छ ।

इरानमाथि अमेरिकी हमलापछि इरानले प्रतिशोधको चेतावनी दिदैं आक्रमणको तयारी गरिरहेको छ । यस कारण कतारले आफ्ना नागरिक, त्यहां वस्ने विदेशी र आगन्तुकहरुको सुरक्षाका लागि सवधानी स्वरुप यस्तो कदम चालेको वताएको छ । अमेरिका र बेलायतले पनि कतारमा रहेका आफ्ना नागरिकलाई सुरक्षित स्थानमा वस्न सुझाव दिएका छन् । यद्यति कतार सरकारले देशभित्र अहिले कुनै प्रत्यक्ष खतरा नरहेको र सुरक्षा अवस्था समान्य रहेको जनाएको छ ।

कतारमा ठुलो संख्यामा नेपालीले रोजगारी गर्दै आएका छन् । कतार एयरलाइन्स मार्फत सयौं यात्रुहरु देनिक नेपाल जाने आउने गर्छन ।