अमेरिका- अमेरिकामा स्थायी वसोवास अनुमती (ग्रिनकार्ड) नहुनेले सहुलियतमा घर किन्न एफएचए इन्स्योर्ड ऋण नपाउने भएका छन् । युएस डिपार्टमेण्ट अफ हाउजिगं एउट अर्वन डेभलपमेण्ट (एचयुडी)ले गत मंगलवार यो निर्णय गरेको हो ।

अमेरिकाका नागरिक र स्थायी वसोवास (ग्रिनकार्ड) भएकालाई घर किन्न सहज होस भन्ने उद्देश्यले ह्वाईट हाउस प्रशासनले यस्तो निर्णय गरेको वताईएको छ ।

यो निर्णयले वर्क परमिट मात्र भएकाले अमेरिकामा एफएचए इन्स्योर्ड ऋण पाउने छैनन् । एचवान बी मा अमेरिकामा वस्नेले पनि यस्तो ऋण सुविधा पाउने छैनन ।

एफएचए ऋणलाई सरकारी निकाय फेडरल हाउजिंग अर्थरिटीले बिमा गरेको हुन्छ । यसले गर्दा न्यून क्रेडिट स्कोर हुने र थोरै डाउन पेमेण्ट हाल्न सक्नेले पनि घर किन्ने सुविधा उपयोग गर्न सक्छन् । यसले गर्दा ५ प्रतिशत वा यो भन्दा कम डाउन पेमेण्ट गर्नेले पनि घर किन्न पाएका थिए ।

राष्ट्रपति डोनाल्ड ट्रम्प प्रशासनले अप्रावासीलाई कडाईगर्ने नीति लिईरहेको वेला यस्तो निर्णय आएको हो ।

अमेरिकामा अहिले घर किन्न सामान्य आम्दानी हुनेलाई कठिन हुने गरी उच्च छ । व्याजदर पनि उच्च भएकाले सिमित आम्दानी हुनेको आर्थिक क्षमताले घर किन्न सक्दैनन् ।

उच्च मूल्यका कारण घरको किनवेच भने कम भएको छ । कयौं शहरमा मूल्य वढ्ने क्रम भने रोकिएको छ । उच्च ब्याजदरका कारण केही स्थानमा घरको मूल्य कम भएको पनि छ । तर, अझै यो सिमित आम्दानी हुने व्यक्तिको किन्न सक्ने क्षमता भन्दा पर छ ।

ब्याजदर नघटेका कारण घर किन्न चाहनेहरु अझै पर्ख र हेरको मनस्थितिमा छन् । अमेरिकामा अव घर किनवेचको सिजन भने शुरु भएको छ । अवका केही महिना कति घर विक्रीका लागि बजारमा आउंछन र किनवेच कति हुन्छ भन्नेले घरको मूल्य तह हुने छ ।

डोनाल्ड ट्रम्पको नयां भन्सार नीतिका कारण घर निमार्णमा लाग्ने समाग्रीको मूल्य वढेकाले नयां घरको मूल्य अझ वढ्न सक्ने विश्लेषणहरु पनि गरिएको छ । ट्रम्पले अमेरिकाका र मेक्सिकोवाट आउने समानमा २५ प्रतिशत भन्सार शूल्क लगाएका छन् । अमेरिकाले क्यानडावाट घर निमार्ण समाग्री किन्ने गर्छ । यही कारण महंगो हुने  आंकलन गरिएको हो ।