ड्यालस (अमेरिका) । आउँदो स्प्रिङ्ग सिजनका लागि एनएसटी ग्लोबल स्कुलमा भर्ना सुरु भएको छ ।

नेपाली समाज टेक्ससले सञ्चालन गर्दै आएको ग्लोबल स्कुलमा आफ्ना बाबु नानीलाई भर्ना गर्न समाजले आव्हान गरेको छ । हरेक शनिबार र आइतबार सञ्चालन हुने स्कुलमा यस पटक नृत्य, मेन्टरशीप, आर्ट, योग, कम्प्युटर कोडिङ्ग लगायतका विषयमा पढाई हुने एनएसटीका अध्यक्ष राजेन्द्र वाग्लेले जानकारी दिएका छन् ।

नेपाली समाज टेक्ससले डेढ दशकदेखि नेपाली बालबालिकाहरुलाई नेपाली भाषा, संस्कार संस्कृति जस्ता विषयमा पढाउँदै आएको छ । पशुपतिनाथ तथा बुद्ध मन्दिरमा शनिबार र आइतबार बिहान सञ्चालन हुने कक्षामा समयमै भर्ना गर्न समेत आव्हा गरिएको छ ।