टेक्सस (अमेरिका) । नेपालमा प्रख्यात नेत्र विशेषज्ञ डाक्टर सन्दुक रुइत अर्को साता टेक्सस आउँदैछन् ।

हजारौं दृष्टिविहिनहरुलाई आँखा मार्फत जीवनलाई नयाँ रुप दिन सफल डा. रुइतको सम्मानमा नेपाली समाज टेक्सस र उत्तरी टेक्ससको डेन्टन स्थित युनिभर्सिटी अफ नर्थ टेक्सस (युएनटी) नेपाली विद्यार्थी एसोसिएसनले विशेष कार्यक्रम आयोजना गर्ने भएका छन् । ‘ए डे विथ डा. सन्दुक रुइत’ विषयमा आउँदो फेब्रुअरी १७ तारिक डेन्टनमा अन्तरकृया तथा अनुभव शेयर गर्ने कार्यक्रम तय भएको नेपाली समाज टेक्ससले जनाएको छ ।

डा. रुइत काठमाडौंको तिलगंगा आँखा अस्पतालका संस्थापक हुन् । डा रुइत अन्तर्राष्ट्रिय क्षेत्रमा पनि निकै ख्यातिप्राप्त नेत्र विशेषज्ञ हुन् ।