टेक्सस (अमेरिका) । श्रीकृष्ण प्रणामी हिन्दु समाज र ब्लड डोनर्स अमेरिकाको संयुक्त आयोजनामा आइतबार भएको रक्तदान कार्यक्रममा ३० पिन्ट रगत संकलन भएको छ ।

टेक्ससको हस्र्टस्थित श्रीकृष्ण प्रणामी मन्दिर परिसरमा आयोजना गरिएको रक्तदान कार्यक्रममा ३० जनाले रक्तदान गरेका हुन् । पछिल्लो समयमा कार्टर ब्लड सेन्टर, रेडक्रसमा रगत अभाव देखिएको छ । रक्त अभावलाई समाधान गर्न केही दिन यता व्यापक रुपमा रक्तदान कार्यक्रमहरु भैरहेका छन् ।

आइतबार प्रतिकुल मौसमका बीच पनि ३३ जनाले रक्तदान गर्ने इच्छा दर्शाएका थिए । ती मध्य ३० जनाबाट रक्त संकलन गरिएको कार्टर ब्लड सेन्टरले जनाएको छ ।