टेक्सस (अमेरिका)- टेक्ससको अर्भिङमा “मेलिना राई लाईभ ईन ड्यालस” कार्यक्रम हुने भएको छ ।

अर्भिङमा रहेको करि लिफ रेष्टुरेन्ट र युनाईटेड किराँत राई अर्गनाईजेशन अमेरिका टेक्सस चाप्टरको आयोजनामा अगष्ट २५ तारिकमा करि लिफ रेष्टुरेन्ट अर्भिङको हलमा हुन लागेको हो ।

नेपालका चर्चित कलाकार मेलिना राईको बिशेष प्रस्तुती रहने उक्त कार्यक्रममा सहभागिहरुका लागि प्रबेश शुल्क २० डलर तोकिएको छ । अगष्ट २५ तारिक शुक्रवार बेलुकी ९ बजे शुरु हुने कार्यक्रममा डिजे घले लगायत ड्यालस फोर्टवर्थ क्षेत्रमा रहेका अन्य स्थानीय कलाकारहरुले पनि आ आफ्नो गीत सङ्गीत प्रस्तुत गर्ने कार्यक्रम रहेको आयोजकले जनाएका छन ।

मेलिना राई एक नेपाली पप तथा आधुनिक गायिका हुन । मेलिना राई पछिल्लो समयमा नेपाली गीत सङ्गीत क्षेत्रमा निकै लोकप्रिय अनि चर्चित नाम हो । उनीद्वारा गाइएका ‘पिरेम नलाउनी’ ‘बैंसै बेइमानी’, ‘नाच फिरिरि’, ‘कुटु मा कुटु सुपारी दाना‘, ‘गोजिमा दाम छैन तिम्रो गोजिमा दाम छैन’ लगायत थुप्रै नेपाली गीतहरू लोकप्रिय रहेका छन् ।

१० वर्षको उमेरदेखि नै पितासँग संगीत सिकेकी राईले एक दशक नेपाली सङ्गीतमा समर्पित गरेकी छिन् । उनको पहिलो गीत १२ वर्षको उमेरमा रेकर्ड भएको थियो ।