अमेरिका- कान्तिपुर मिडिया हाउसका अध्यक्ष तथा प्रवन्ध निर्देशक कैलास सिरोहियाको नाममा चन्द्रागिरी हिल्स लिमिटेडमा कुनै शेयर लगानी नरहेको त्यहांको उच्च व्यवस्थापन निकटले जानकारी दिएका छन् ।

कैलास सिरोहिया र उनको परिवारको नाममा हाम्रो कम्पनीमा अहिलेसम्म कुनै शेयर लगानी छैन चन्द्रागिरीको उच्च व्यवस्थापनले हिमालयखवरलाई भन्यो, यद्यपी हाम्रो पव्लिक लिमिटेड कम्पनी हो शेयर बजारवाट जसले पनि चन्द्रागिरीको शेयर किन्न सक्छ ।

राष्ट्रिय स्वतन्त्र पार्टीका अध्यक्ष रवि लामिछानेले पत्रकार सम्मेलनमा सार्वजनिक रुपमा कैलास सिरोहियालाई चन्द्रागिरीको शेयर लिएको, पैसा खाएको आरोप लगाएका थिए । उक्त आरोपको सिरोहियाले खण्डन गरेका थिए । सिरोहियाले विज्ञप्तिमा भनेका थिए चन्द्रागिरिमा मेरो वा मेरो परिवारका कुनै सदश्यको कहिल्लै एक कित्ता पनि सेयर थिएन छैन लामिछानेले झुटो आरोप लगाएकामा म घोर आपत्ति प्रकट गर्दछु ।

चन्द्रागिरि आईएमई समुह, भाटभटेनी समुह र वेलायत वस्ने गैर आवासिय नेपाली लगानीमा खुलेको थियो । पछि चन्द्रागिरीले सर्वसाधारणका लागि शेयर निष्काशन गरेको थियो । यो पव्लिक लिमिटेड कम्पनी भएकाले त्यहां कसको कति शेयर छ हेर्ने मिल्छ ।

सिरोहियाको आपत्ति प्रति लामिछानेले भने आफ्नो भनाई सही हो भनेर पुष्टि गर्न सकेका छैनन । कान्तिपुर मिडिया हाउस देशकै सवैभन्दा ठुला मिडिया हाउस हो । त्यहां झण्डै एक हजार जनाले रोजगारी पाएका छन् । मिडिया वाहेक सिरोहियाले बैंक, बिमा होटल लगायतका क्षेत्रमा शेयर लगानी गरेका छन् । ति व्यवसायीक कम्पनीको व्यवस्थापनमा भने सिरोहियाको कुनै भुमिका छैन ।

यस्तो छ सिरोहियाको विज्ञप्ति