सुर्खेत । नेपाल पत्रकार महासंघको केन्द्रीय साधारण सभा सफलतापूर्वक सम्पन्न भएकोमा नेपाल अमेरिका पत्रकार संघ (नेजा)का अध्यक्ष विकासराज न्यौपानेले आभार प्रकट गरेका छन् ।
सुर्खेतमा सम्पन्न ऐतिहासिक साधारण सभामा नेपाल अमेरिका पत्रकार संघ (नेजा)लाई समेत सम्झिएकोमा महासंघ परिवारलाई अध्यक्ष न्यौपानेले आभार प्रकट गरेका हुन् ।
अध्यक्ष न्यौपानेद्वारा प्रेषित विज्ञप्तिमा भनिएको छ, ‘यस महत्त्वपूर्ण अवसरमा मेरो सहभागितालाई मैले नेजा र महासंघबीचको सम्बन्धलाई अझ कसिलो बनाउने अवसरको रुपमा हेरेको छु ।’
उनले भनेका छन्, ‘यस साधारणसभाले नेपालभर रहनुभएका पत्रकारहरु र नेपाल बाहिर रहेका महासंघ सम्बद्व शाखाहरुमा रहनुभएका पत्रकारहरु तथा नेजाको बीचमा एउटा पुलको काम गरेको छ भन्ने मलाई लागेको छ । र, आगामी दिनमा संस्थागत सम्बन्ध अझ प्रगाढ भएर जाने विश्वास मैले लिएको छु ।’
अध्यक्ष न्यौपानेले साधारण सभाको सफलताको लागि महासंघका अध्यक्ष विपुल पोखरेलसहित सम्पूर्ण केन्द्रीय समिति, स्थानीयरुपमा व्यवस्थापकीय जिम्मेवारी निभाउनुहुने महासंघ कर्णाली प्रदेश अध्यक्ष देवीराम सापकोटा, सुर्खेत शाखा अध्यक्ष ललित बसेललगायत दुवै समितिमा रहनुभएका पदाधिकारी तथा कार्यसमितिप्रति पनि हार्दिक आभार व्यक्त गरेका छन् ।
.jpg)
साथै, उनले सभ्य र भव्य कार्यक्रममा आफ्नो न्यानो आतिथ्यताका लागि सबैमा धन्यवाद ज्ञापन गरेका छन् ।
प्रतिक्रिया