अमेरिका- रक्की माउण्टेन पर्वतमाला भएको कोलोराडोको पनि उत्तरमा पेर्न वेयमिगं अमेरिकाको पनि पहाडी र जनसंख्याको दृष्टिले सानो राज्य हो । यो नेपालको कर्णाली जस्तै क्षेत्र हो । त्यहांको पनि सानो शहर सेरडिनमा आइतवार  रमाइलो गरी कुकुर पुजा गरेर कुकुर तिहार मनाईयो । नेपाली व्यवसायी वासुदेव घिमिरेको अग्रसरतामा त्यहां लिटिल किचन रेष्टुरेण्टमा कुकुर पुजा गरेर कुकुर तिहार मनाईएको हो ।

उक्त पुजाको उद्घाटन सेरडिन सिटीका मेयरले कुकुरलाई नेपाली परम्परा अनुसार टिका माला लगाएका थिए । त्यस पछि स्थानियले ल्याएका कुकुरलाई पुजा गरिएको थियो । उक्त पुजावाट उठेको स्थानिय रकम डग एण्ड क्याट सेल्टरलाई प्रदान गरिएको थियो ।

उक्त अवसरमा करिव ६० वटा कुकुर पुजा गरिएको घिमिरेले जानकारी दिए । लिटिल किचनले कुकुरका लागि खाना र पुुजाका अन्य सामाग्रीहरु उपलव्ध गराएको थियो । स्थानिय पत्रिकामा यसको राम्रो प्रचार प्रसार गरिएको थियो । मौसमको प्रतिकुलता नभएको भए अझ वढीको सहभागिता हुने थियो घिमिरेले भने यो कुकुर तिहार राम्रो निकै मौलिक परम्परा हो र यसलाई यो सानो सहरमा पनि धेरैले मनपराए । यससगंै स्थानियले नेपाल चिन्ने मौका पनि पाए ।

लिटिल किचनले सेरडिनमा मनाएको यो दोस्रो कुकुर तिहार हो । सेरडिनमा नेपालीको लगानी रहेका केही व्यवसाय छन् । अमेरिकाको चर्चित राष्ट्रिय निकुञ्ज एलोस्टोन जाने सडक मार्गमा पर्ने भएकाले सेरडिन  गर्मी मौसममा व्यस्त रहन्छ ।