अस्टिन टेक्सास | आउदै गरेको नेपालीहरुको महान् चाड बडा दशैँ तथा शुभ दीपावलीको अवसर पारेर अस्टिनमा रहेका नेपालीहरुको फुटबल क्लब मेट्रो एफसी र अस्टिन नेपाली युथले फूटबल प्रतियोगिता आयोजना गर्ने भएको छ ।
आउँदो अक्टोबर आठ र नौँ तारिकमा हुने प्रतियोगितामा बिभिन्न राज्यबाट खेलाडीहरुले आफ्नो टिम दर्ता गराउन सक्ने छन् । टिम दर्ता गराउन पाँच सय डलर शुल्क तिर्नुपर्ने छ भने प्रतियोगिता जित्ने टोलिले पाँच हजार डलर हात पार्नेछन् ।
यो प्रतियोगिता नाफामुलक भन्दा पनि बिभिन्न राज्यमा छरिएर रहेका फुटबल प्रेमी युवाहरुको जमघट र नजिकिँदै गरेको माहन् पर्व बडा दशैँको स्वागतको रुपमा आयोजना गर्न लागिएको मेट्रो एफसिका अध्यक्ष सुजन श्री पोखरेलले हीमालयखबरलाई बताए । प्रतियोगिता जर्जटाउन र म्यनोर सक्कर फिल्डमा हुने र दर्शकहरुका लागि फ्री ईन्ट्रि साथै फुड स्टलहरुको पनि ब्यवस्था गरिने आयोजकहरु मध्यका एक रिचर्ड ढकालले बताए ।
प्रतिक्रिया