कोलोराडो (अमेरीका)– प्रवासी नेपाली मंच कोलोराडो राज्यको तेश्रो अधिवेशन आइतबार नयां कार्यसमिती चयन गर्दै सम्पन्न भएको छ ।
सल्लाहकार नारायण श्रेष्ठको प्रमुख अतिथ्यता तथा रकी माउन्टेण्ड फ्रेण्डस् अफ नेपालका अध्यक्ष टिका पौडेलको बिशेष आतिथ्यतामा सम्पन्न भेलाले संजयसिङ केसीको अध्यक्षतामा सर्वसम्मत कोलोराडो राज्य कमिटी गठन गरेको हो ।
कोलोराडोको बोल्डर स्थित काठमाण्डौ रेष्टुरेण्टमा सम्पन्न भेलाले ज्ञात अज्ञात सहिदहरुको संझनामा एक मिनेट मौनधारण पछि कार्यक्रम सुरु गरिएको थियो । निर्वतमान अध्यक्ष श्याम श्रेष्ठको सभापतित्वमा सम्पन्न कार्यक्रममा प्रवासी मन्च अमेरिकाका अध्यक्ष प्रभुराम थापाले फोन मार्फत शुभकामना दिएका थिए । कार्यक्रममा अध्यक्ष श्रेष्ठले उपस्थित सबैलाई स्वागत गर्दै हाल सम्म भए गरेका क्रियाकलापको जानाकारी गराएका थिए । समारोहमा प्रमुख अतिथी नारायण श्रेष्ठ तथा बिशेष अतिथी टिका पौडेलले कार्यक्रम सफलताको शुभकामना दिएका थिए ।
त्यस पछि कार्यक्रममा उपस्थित सबैले आ–आफ्नो बिस्तृत परिचय सहित राजनैतीक सामाजिक जिवनको बारेमा प्रकाश पारेका थिए ।
उद्धाटन सत्र पछि सम्पन्न बन्द सत्रले संजयसींह केसीको अध्यक्षतामा ९ सदस्सिय कोलोराडो राज्य कमिटी गठन गर्ने सर्वसम्मत निर्णय गरेको थियो । यसरी निर्विरोध निर्वाचित हुने पदाधिकारीहरुमा उपाध्यक्ष, सचिव, र कोषाध्यक्षमा क्रमस भेषराज ओली, संन्तोष न्यौपाने, अर्जुन कार्की रहेका छन् । त्यस्तै सदस्यहरुमा डोरप्रसाद बिमाली, नुरहरी पोख्रल, कृष्ण घिमिरे र दिनेश कार्की रहेका छन् । सह सचिव भने पछि कार्यसमितीको बैठकले क्षेत्र मिलाएर तोक्ने नव निर्वाचित अध्यक्ष संजयसिह केसीले बताएका छन् ।
प्रतिक्रिया