काठमाडौँ । देशभर पछिल्लो २४ घन्टामा थप ४३७ जनामा कोरोना भाइरसको सङ्क्रमण पुष्टि भएको छ भने थप दुई जनाले ज्यान गुमाएका छन् । 

 

स्वास्थ्य तथा जनसङ्ख्या मन्त्रालयका अनुसार पछिल्लो समय नौ हजार ९१ को परीक्षण गर्दा उक्त सङ्ख्यामा सङ्क्रमण पुष्टि भएको हो । योसँगै नेपालमा पिसिआर विधिबाट गरिएको परीक्षणमा कोरोना भाइरस सङ्क्रमितको सङ्ख्या नौ लाख ७५ हजार १३२ पुगेको छ ।

 

एन्टिजेन परीक्षण गर्नेको सङ्ख्या एक लाख ३८ हजार ४१२ रहेको छ । पछिल्लो समय थप दुई हजार ४५४ जना सङ्क्रमणमुक्त भएका छन् । योसँगै भाइरस सङ्क्रमणमुक्त हुनेको सङ्ख्या नौ लाख ४८ हजार ७८४ पुगेको छ । यो दर ९६ दशमलव ३ प्रतिशत रहेको पनि मन्त्रालयले जनाएको छ । 

 

हालसम्म कोरोनाबाट मृत्यु हुनेको सङ्ख्या ११ हजार ९१३ पुगेको छ भने पछिल्लो २४ घन्टामा थप दूई जनाले ज्यान गुमाएको मन्त्रालयले जनाएको छ । यस रोगबाट हुने मृत्यु दर १.२ प्रतिशत रहेको छ । 

 

त्यसैगरी पछिल्लो समय  एक लाख २४ हजार ८६७ ले खोप लगाएको पनि मन्त्रालयले जानकारी दिएको छ । हाल सक्रिय सङ्क्रमितको सङ्ख्या १४ हजार ४३५ रहेको छ । अहिले होम आइसोलेसनमा १३ हजार ८२८ रहेका छन् । त्यसैगरी संस्थागत आइसोलेसनमा ६०७ आइसुयूमा १४४ र भेन्टिलेटरमा २३ जनाले उपचार गराइरहेका छन् । रासस