ड्यालस (अमेरिका) – टेक्ससको अर्भिङ्ग सिटीमा नाङ्ग्लो रेष्टुरेन्टको नयाँ शाखा (आउटलेट) शुक्रबार देखि सञ्चालनमा आउने भएको छ । 

 

गत फेब्रुअरी ४ तारिकमा सञ्चालनमा आउने भनिएकोमा मौसमका कारण रोकिएको थियो । अर्भिङको ४०७० बेल्टलाइनमा सञ्चालनमा आउन लागेको नाङ्ग्लो आउँदो शुक्रबारदेखि सञ्चालनमा आउन लागेको हो । 

नाङ्ग्लो ग्रुपको यो तेस्रो आउटलेट हो । यस अघि पहिलो आउटलेट युलेसमा खुलेको थियो । त्यसपछि दोस्रो आउटलेट भेरिडिएन (आर्लिङ्गटन)मा केही महिना अघि खुलेको थियो । 

 

शुक्रबार र शनिबार नाङ्ग्लो उद्घाटनका अवसरमा सांस्कृतिक कार्यक्रम समेत राखिएको छ । लोकगायक मिलन लामा र शान्ति भण्डारी,  नलिना चित्रकार, किरण गजमेर लगाएत स्थानीय कलाकारहरुले आफ्नो प्रस्तुति दिने कार्यक्रम समेत रहेको छ । त्यस अवसरमा २० प्रतिशत छुटको समेत प्रावधान राखिएको छ ।