अमेरिका- नेपाल राष्ट्र बैंकले गत साता नेपाली,नेपालमा वस्ने विदेशी र विदेशमा वस्ने नेपाली नागरिकले क्रिप्टोकरेन्सी किनवेच गरेमा कानुन बमोजिम कारवाही हुने सुचना सार्वज्निक गरेको छ ।

 

राष्ट्र बैंक विदेशी विनिमय विभागले सार्वजनिक गरेको सुचना अनुसार भचुर्यल करेन्सी, क्रिप्टोकरेन्सी तथा नेटवर्क मार्केटिगं कारोवार व्यवसाय गैरकानुनी रहेको जनाएको छ । 

 

विदेशमा वस्ने थुप्रै नेपालीले क्रिप्टोकरेन्सीमा लगानी गरेका छन् । अमेरिकामा मात्र नेपाली समुदायले लाखौं डलर क्रिप्टोकरेन्सीमा लगाएका छन् ।

 

राष्ट्र बैंकको यो सुचनाले विदेशमा बसेर लगानीगर्नेलाई के होला भन्ने प्रश्न उठेको छ ।  हालसम्म राष्ट्र बैंकसंग विदेशमा वसेर क्रिप्टोकरेन्सी वा त्यहांको स्थानिय शेयरबजारमा लगानी गर्नेलाई कारवाही गर्ने यस्तो कुनै पुर्वाधार छैन । विदेशमा बसेर क्रिप्टोकरेन्सी किनवेच गर्नेलाई कारवाही गर्दा दुई देशको कानुन आकर्षित हुन्छ ।

 

यस अवस्थामा विदेशमा रहेकालाई कारवाही गर्न  कठिन छ । विदेशमा बसेका नेपाली नागरिकले क्रिप्टोकरेन्सीमा किनवेच गरेको आधारमा समाइहाल्छ भन्ने छैन । डराउनु पर्दैन । 

 

 उदाहरणका लागि अमेरिकाले कुनैपनि क्रिप्टोकरेन्सीलाई मान्यता दिएको छैन । तर, कारोवार गर्नेलाई कारवाही पनि गर्दैन । स्वतन्त्र छाडेको छ । यहां जोखिम लिनेले लगानी गरेका छन् , किनवेच गर्छन । स्टोरहरुमा समेत क्रिप्टोकरेन्सी किनवेच गर्ने मेसिन राखिएका छन् । सवै खुलमखुला छ । तर, यो किनवेच वाट प्राप्त आम्दानीमा भने सरकारलाई कर तिर्नु पर्छ । अमेरिकाले आम्दानीमा नियमअनुसार कर लिन्छ । 

 

त्यसैले अमेरिकामा बसेर क्रिप्टोकरेन्सी कारोवार गर्ने नेपाली नागरिकलाई आएर राष्ट्र बैंकले कारवाही गर्न मिल्दैन ।   

 

तर, क्रिप्टोकरेन्सी छ,  नेपाल बसेर पनि किन बेच गर्ने योजना छ भने यो भने नगर्दा हुन्छ । नेपालमा वसेर कारोवार गर्दा कारवाहीको फन्दामा पर्न पनि सकिन्छ । 

 

राष्ट्र बैंकले आफ्ना नागरिकलाई सचेत वनाएको भने छ । क्रिप्टोकरेन्सीमा लगानी उच्च जोखिम पनि हो । 

 

नेपालमा क्रिप्टोकरेन्सीको किनवेच वन्देज छ । गत साता विट्क्वाइन मार्फत कारोवार गर्ने ३ जना नेपाली काठमाडौमा पक्राउ पनि परेका थिए । 

 

(कुनै पनि लगानीमा जोखिम हुन्छ । यो व्यक्तिगत निर्णय हो । हाम्रो समाचारले लगानीमा असर परेमा हिमालयखवर यसमा जिम्मेवार हुदैंन । सम्पादक)

तस्बिर: सामाजिक संजाल