छुटाउनु भयो कि?

न्यूर्योक टाइम्सको सूचीमा युलेस टेक्सस बसोबासका निम्ति लायक उत्कृष्ट सिटी

(भिडियो सहित)

प्रकाशित |
तस्बिर: सामाजिक संजाल
अमेरिका- अमेरिकाको सवैभन्दा प्रतिष्ठित मानिने न्यूर्योक टाइम्स पत्रिकाले टेक्ससको उत्तर क्षेत्रमा पर्ने यूलेस सिटीलाई बस्न लायक उत्कृष्ट स्थान रहेको उल्लेख गरेको छ । 
 
विभिन्न ३० पक्ष (मेट्रिक्स) तय गरेर अमेरिकाका झण्डै १७ बजार शहरलाई विश्लेषण गर्दा बस्नलायक सिटी मध्ये युलेस उत्कृष्टको पहिलो नम्बरमा परेको हो । 
न्यूयोर्क टाइम्सको दृष्टिकोणमा फराद मान्जोको नाममा ‘एभ्रिवान्स मुभिगं टु टेक्सस हेयर इज हवाई ?’ भन्ने शिर्षक लेखमा उक्त सुची प्रकाशित छ । 
 
लेखका अनुसार यदी तपाई बस्नका लागि सस्तो, शुलभ र गतिशिल तथा जलवायु परिवर्तनको प्रभाववाट कम असर परेको स्थान खोज्नु हुन्छ भने टेक्सस उपयुक्त स्थान हो ।
यूलेसलाई ठुला शहर नजिक शान्त बस्न लायक शहर भनिएको छ । यहाँ बस्न सस्तो, रोजगारीका पर्याप्त अवसर रहेको वताईएको छ । यूलेस  सिटी डिएफडब्लु अन्तराष्ट्रिय विमानस्थल लगायत र यस वरपर ठुला कम्पनी रहेकाले रोजगारका अवसर बढीरहेका छन् । 
 
करिव ८० हजार जनसंख्या रहेको यूलेसमा नेपाली समुदायको जनसंख्या पनि उल्लेखनिय छ । हालै यूलेस  सिटीको काउन्सिल मेम्बरमा नेपाली टिका पौडेलले चुनाव जितेका थिए । यहांको जनसंख्यामा पनि व्यापक विविधता छ । 
 
अहिले टेक्ससमा विभिन्न राज्यवाट बसाई सर्नेको लर्को नै लागेको छ । उक्त लेखले दावी गरेअनुसार एक दशक यता क्यालिर्फोनियावाट मात्र ६ लाख ८७ हजारले टेक्ससमा बसाई सरेका छन् । 

टेस्ला लगायत ठुला आईटी कम्पनी समेत टेक्ससमा आएका छन् । यसले टेक्ससमा रियलस्टेटको मूल्य भने बृद्धि भएको छ । तर, अझै अन्य शहरको तुलनामा टेक्सस बस्नका लागि सस्तो मानिन्छ ।

हिमालयखवर संवाददाता

हिमालयखवर संवाददाता -

थप »

यो खबर पढेर तपाईलाई कस्तो महसुस भयो ?

प्रतिक्रिया