अमेरिका । अमेरिकामा स्थायी रुपमा बस्दै आएका नेपाली अमेरिकनको संख्या १ लाख ८९ हजार ४०० रहेको छ । अमेरिकी सरकारले गरेको पछिल्लो सेन्ससअर्थात जनगणनाले यो देखाएको हो ।
उक्त सेन्ससअनुसार नेपाली अमेरिकनको औसत आयु साढे ३० वर्ष रहेको छ र ८५ प्रतिशत नेपाली परिवारमा बस्छन् । परिवारको आकार ३ दशमलव ७० प्रतिशत रहेको छ । अर्थात एउटा नेपालीको परिवारमा झण्डै चार छन् ।
परिवारको औसत आम्दानी वार्षिक आम्दानी ६३ हजार ६२० अमेरिकी डलर (करिब ६५ लाख रुपैयाँ) रहेको उक्त सेन्ससले देखाएको छ । यो औसत एसियन अमेरिकनको आम्दानीभन्दा कम हो । अमेरिकन एसियनको औसत आम्दानी ९३ हजार ७५९ अमेरिकी डलर छ । समग्र अमेरिकी परिवारको औसत आम्दानी ६५ हजार ७१० अमेरिकी डलर छ ।
सेन्ससअनुसार एसियन अमेरिकनको कुल जनसंख्या १ करोड ८६ लाख छ । जसमध्ये चीन (ताइवानसहित) को जनसंख्या ४४ लाख रहेको छ । त्यसपछि भारतीय मूलका अमेरिकनको जनसंख्या छ । त्यसपछि तेस्रो स्थानमा फिल्पिनो अमेरिकन छन् । भारतीय अमेरिकनको जनसंख्या ४२ लाख रहेको छ । कुल एसियन अमेरिकनमध्ये नेपालीको जनसंख्या ३ दशमलव ७ प्रतिशत छ ।
अमेरिका स्थायी रुपमा बस्ने नेपाली अमेरिकनमध्ये ४४ प्रतिशतसँग मात्र व्याचलर्स वा यो भन्दा बढीको डिग्री छ । जबकि भारतीय अमेरिकनमध्ये ७६ सँग यस्तो डिग्री छ । त्यसपछि व्याचलर्स डिग्री धेरै हुने पाकिस्तानी अमेरिकन छन् । ६० प्रतिशत पाकिस्तानी अमेरिकनसँग उक्त डिग्री रहेको छ । औसतमा अमेरिकामा व्याचलर्स डिग्री हुने जम्मा ३३ प्रतिशत छ ।
सन् २०२० मा गरिएको उक्त सेन्ससले अमेरिकाको कुल जनसंख्या ३३ करोड १४ लाख रहेको देखाएको छ ।
प्रतिक्रिया