अमेरिका समाचार

एनआरएनए, न्युयोर्कका नवनिर्वाचित पदाधिकारी जीपीके फाउण्डेसनद्वारा सम्मानित

प्रकाशित |
न्युयोर्क- गिरीजा प्रसाद कोईराला फाउन्डेशन अमेरीका च्याप्टरले एनआरएनए न्युयोर्कका विजयी पदाधिकारीहरूलाई सम्मान गरेको छ । फाउण्डेसनको न्युयोर्कस्थित कार्यालयमा आयोजित विशेष कार्यक्रममा प्रमुख अतिथि एवं नेपाली जनसम्पर्क समिति अमेरिकाका संस्थापक उपाध्यक्ष मिङ्गमार शेर्पाले न्युयोर्क च्याप्टरमा विजयी हुनेहरुलाई सोमबार सम्मान गरेका थिए । नवनिर्वाचित पदाधिकारीहरुलाई बधाई दिंदै प्रमुख अतिथि शेर्पाले नयाँ टीमलाई अवसर र चुनौती दुवै भएकोले राम्रो काम गर्न सुझाव दिए । 
 
त्यसैगरि विशेष अतिथि नेदेन डोंगलाले टीम अत्यन्त समावेशी र जुझारू भएको र सदा सहयोग रहने प्रतिवद्धता जनाए । त्यसैगरि जीपीके फाउन्डेशनका अध्यक्ष सोमनाथ घिमिरेले न्युयोर्कका नवनिर्वाचित पदाधिकारी एवं एनआरएनएसंग सहकार्य गरी नेपाली समुदायको हक हितमा लाग्ने बताए । कार्यक्रममा उपाध्यक्ष सुवर्ण लामा र प्रवक्ता रामचन्द्र अधिकारी तथा सदस्य सुर्य सिंखडा र ध्रुव कुँवर क्षेत्रीलेपनि विजयी पदाधिकारीलाई बधाइ दिएका थिए । 
कार्यक्रममा अध्यक्ष पदमा निर्वाचित आंग छिरिंग शेर्पाले आगामी दिनमा ठोस कार्ययोजना ल्याई न्युयोर्कमा विशेष कार्यक्रम गरिने प्रतिवद्धता जनाए । अन्य नवनिर्वाचित पदाधिकारीहरुलेपनि छोटकरी मन्तव्य राखेका थिए । 
 
यहि शनिवार र आइतबार सम्पन्न एनआरएनएको निर्वाचनमा न्युयोर्क च्याप्टरको  अध्यक्षमा आंग छिरिंग शेर्पा निर्वाचित भएका थिए । त्यसैगरि उपाध्यक्षमा शोभाकान्त पाण्डे सचिवमा दन्डपाणी लामीछाने(वाशु), सहसचिवमा बाबुराजा सिंह र कोषाध्यक्षमा आशिष सापकोटा विजयी भएका थिए । त्यस्तै महिला संयोजक लक्ष्मी थापा युवा संयोजक अनुप बानिया र बोर्ड सदस्यहरुमा पवित्रा धिमाल, राजन वन्जरा, प्रदिप खड्का क्षेत्री, संगीता कोईराला, देवेन्द्र लामा र छिरिंग शेर्पा निर्वाचित भएका थिए ।
- हिमालयखबर संवाददाता, न्युयोर्क

- हिमालयखबर संवाददाता, न्युयोर्क -

थप »

यो खबर पढेर तपाईलाई कस्तो महसुस भयो ?

प्रतिक्रिया