अमेरिका समाचार

जर्ज फ्ल्योइडको हत्याको आरोप लागेका मिनियापोलिसका पूर्व प्रहरी शोभ्यान दोषी ठहर

अदालतको निर्णयप्रति राष्ट्रपति बाइडेनले खुशी व्यक्त गरे

प्रकाशित |
तस्बिर: सामाजिक संजाल
अमेरिका- अमेरिकाको मिनियापोलिसका जर्ज फ्ल्योइडको हत्याको आरोप लागेका पूर्व प्रहरी अधिकारी डरेक शोभ्यानलाई अदालतले दोषी ठहर गरेको छ । अदालतको जुरीले फ्ल्योइडको हत्याको सबै आरोपमा पूर्व प्रहरी शोभ्यानलाई दोषी मानेको हो । न्यायाधीशहरुले शोभ्यानलाई दोस्रो, तेस्रो डिग्री हत्या तथा दोस्रो डिग्री मन्सल्टमा दोषी पाएका हुन । दोषी माथी कति बर्ष सम्मको कारागार सजायँ हुनेबारे पछि फैसला हुनेछ । तर ४० बर्षसम्म उनी जेल पर्नसक्ने अनुमान गरिएको छ । 
 
अदालतको फैसला आइरहंदा दोषी शोभ्म्यानले खैरो सुट, निलो टाइ लगाएका थिए । अदालतको फैसलापछि फ्लोइडका भाइ कामीरहेका थिए भने पछि रुन थालेका थिए । अश्वेतमाथी अन्याय हुने गरेको भएपनि अदालतलको फैसलाले न्याय मिलेको बताए । 
 
राष्ट्रपति बाइडेनद्वारा खुशी व्यक्त जर्ज फ्लोइडको हत्याको आरोपमा पूर्व प्रहरी अधिकृत शोभ्म्यान दोषी ठहर भएपछि राष्ट्रपति जो बाइडेनले खुशी व्यक्त गरेका छन । ह्वाइट हाउसमा बोल्दै अमेरिकालाई एकजुट हुन आग्रह गरेका छन । त्यसैगरि उपराष्ट्रपति कमला ह्यारिसले पनि अदालतको फैसला न्यायसंगत भएको प्रतिक्रिया दिएकी छन ।  
 
गत बर्षको मे २५ तारिखमा मिनियापोलिसमा जर्ज फ्लोइडलाई जमिनमा लडाएर नौ मिनेट सम्म घुंडाले घांटीमा थिचेका थिए । सो बेला फ्लोइडल्े मैले सास फेर्न सकेको छैन भनीरहेको भिडियो भाइरल भएको थियो 
 
फ्लोइडको हत्यापछि अमेरिकाभरी हिंशात्मक विरोध प्रदर्शन भएको थियो । अफ्रिकन अमेरिकीहरुमाथी अन्याय भएको भन्दै संसारभरी नै विरोध भएको थियो भने ब्ल्याक लाइफ म्याटर भन्ने आन्दोलन नै विश्वव्यापी बनेको थियो ।
- हिमालयखबर संवाददाता, न्युयोर्क

- हिमालयखबर संवाददाता, न्युयोर्क -

थप »

यो खबर पढेर तपाईलाई कस्तो महसुस भयो ?

प्रतिक्रिया