अमेरिका समाचार

जब हराएकी ११ बर्षीया बालिकाले २२ बर्षीयलाई ब्वाई फ्रेण्ड भनिन

प्रकाशित |
तस्बिर: सामाजिक संजाल
अमेरिका- अमेरिकाको फ्लोरिडाकी ११ बर्षीया बालिका हराएको सूचना स्थानीय प्रहरीले जारी गर्यो । सबैतिर खोजी व्यापक भयो । अन्ततः बालिका सुरक्षित फेला परिन । तर हरएकी बालिकाले आफु हराएको नभै आफ्नो केटा साथीसंग भएको दावी गरेर सबैलाई अचम्ममा पारिन । ११ बर्षीयाले केटा साथी भनेका युवा २२ बर्षीय लुइस अल्बर्टो भएको प्रहरीले बताएको छ । अहिले प्रहरीले ती युवा माथी बाल यौन दुराचारको मुद्धा चलाउने प्लोरिडाको पास्को काउन्टीका प्रहरी प्रमुख क्रिस नाक्कोले प्रेस ब्रिफीङमा बताएका छन । 
 
नाक्कोका अनुसार हराएकी ११ बर्षीया बालिका २२ बर्षीय लुइससंग बस्नुपर्ने कुनै कारण नभएको र उनको बासस्थानमा छापा मार्दा कल्पना गर्न नसकिने अवस्था फेला परेको थियो । 
 
११ बर्षीया बालिका सानै देखि पारिवारिक तनावका विच हुर्कदै आएको प्रहरीले बताएको छ । उनका बाबु पहिले देखिनै उनीसंग थिएनन् भने आमा जेलमा छिन । बालिकाको सोचाइमा २२ बर्षीय लुइस उनका केटा साथी हुन तर तीनलाइ त्यसको मतलव र अर्थ थाहा नभएको र उनीमाथी लुइसले यौन दुराचार र हिंशा गरेको प्रहरीको दावी छ । 
 
सानैदेखि पारिवारीक विखण्डनमा पर्दै आएका कारण ती बालिकाले माया र हेरचाह नपाएकाले यो अवस्था आएको बताइएको छ । ११ बर्षीया ती बालिकाको नाम गोप्य राखिएको छ ।
 
- हिमालयखबर संवाददाता, न्युयोर्क

- हिमालयखबर संवाददाता, न्युयोर्क -

थप »

यो खबर पढेर तपाईलाई कस्तो महसुस भयो ?

प्रतिक्रिया