न्युयोर्क (अमेरिका)- गिरिजा प्रसाद कोइराला फाउण्डेसन अमेरिका च्याप्टरमा नयाँ कार्यसमिति बनाइएको छ । फाउण्डेसनको विधान अनुसार अमेरिका च्याप्टरमा सन् २०२१–२०२४ कार्यकालको लागि ५ सल्लाहाकार र १३ सदस्यीय कार्यसमिती बनाइएको हो । सो कार्यसमितिलाई अमेरिकाको तदर्थ समितिले सिफारिस गरी पठाएको र सोहीलाई केन्द्रिय अध्यक्ष सुजाता कोइरालाले अनुमोदन गर्नु भएको नवगठित समितिका अध्यक्ष सोमनाथ घिमिरेले जनाएका छन । समितिको सल्लाहकारहरुमा डाक्टर केशव भट्टराई, डाक्टर राजन पन्त, ऐलाना बरमन, अधिवक्ता जोन जे मुलोहल्याण्ड जुनियर र अधिवक्ता लारा ग्रेगोरी रहेका छन । 

त्यसैगरि १३ सदस्यीय कार्यकारी बोर्डको अध्यक्षमा सोमनाथ घिमीरे उपाध्यक्षमा सुवर्ण लामा रहेका छन । त्यस्तै छिरीगं राप्के लामा महासचिव र दावा शेर्पा कोषाध्यक्षमा चुनिएका छन । कार्यसमितिमा प्रेम पैडेल, रामचन्द्र अधिकारी, सुर्य सिंखडा, रेखा श्रेष्ठ, राजेश आचायर्, प्रेम क्षेत्री अधिकारी, ध्रुव कुँवर क्षेत्री, सोना शेर्पा र चुन्डी शेर्पा रहेका छन । च्याप्टरको कानुनी सल्लाहकारमा गिरीजा गौतम रहेका छन । 

नवगठीत कार्यसमितिको वैठकले फाउण्डेसनको पहलमा गरिएको कोभीड भ्याक्सिन अभियानलाई अझ प्रभावकारी बनाउन महासचिव छिरीगं राप्के लामाको संयोजकत्वमा ५ सदस्यीय भ्याक्सीन टास्कफोर्स समिति गठन गरीएको छ । सदस्य रामचन्द्र अधिकारीलाई फाउन्डेशनको प्रवक्ता तोकिएको छ । न्युयोर्कका सरकारी एवं गैरसरकारी संघ–संस्थाहरु र विभिन्न समुदायसँग समन्वयका लागि उपाध्यक्ष सुवर्ण लामाको संयोजनमा ५ सदस्यीय उपसमिति गठन गरिएको छ । गिरिजा प्रसाद कोईराला फाउण्डेशन पूर्व प्रधानमन्त्री एवं नेपाली कांग्रेसका पूर्व सभापति स्वर्गीय गिरिजा प्रसाद कोईरालाको नाममा स्थापित संस्था हो । जसको केन्द्रिय अध्यक्ष कोइरालाकी सुपुत्री एवं नेपाली कांग्रेसकी प्रभावशाली नेतृ, पुर्व उपप्रधानमन्त्री तथा परराष्ट्रमन्त्री सुजाता कोईराला रहेकी छिन । गिरिजा प्रसाद कोईराला फाउण्डेशन अमेरिका च्याप्टरको तदर्थ समिती जनवरी २०१९ मा गठन भएको थियो ।