अमेरिका समाचार

गिरिजाप्रसाद कोईराला फाउन्डेशनको पहलमा न्युयोर्कका नेपालीलाई कोरोना खोप लगाईंदै

प्रकाशित |
न्युयोर्क (अमेरिका)- गिरिजाप्रसाद कोईराला फाउन्डेशन अमेरिका च्याप्टरले न्युयोर्कमा भ्याक्सीन लगाउने व्यवस्था गरेको छ । फाउण्डेसनको सक्रियतामा न्युयोर्क र आसपास क्षेत्रमा रहेका नेपाली समुदायलाई लक्षित गरी भ्याक्सीन लगाइने फाउण्डेसनका अध्यक्ष सोमनाथ घिमिरेले जानकारी दिए । नेपाली लगायत अन्य समुदायलेपनि फाउण्डेसनको पहलमा कोरोना भाइरसको खोप लगाउन सक्ने फाउण्डेसनले जनाएको छ । 
 
फाउण्डेसनले कोरोना भाइरसको खोप लगाउन चाहनेहरुबाट रजिष्ट्रेसन फारम भराई संकलन गरिएको थियो । संकलित रजिष्ट्रेसन फारमका आधारमा न्युयोर्कको क्वीन्स हस्पिटल जमैकामा खोप लगाइने जनाइएको छ । फाउण्डेसनले अन्य संस्थाहरुसंग सहकार्य गरी रजिष्ट्रेसन फारम संकलन गरिएको अध्यक्ष घिमिरेले जनाकारी दिए । कोरोनाको खोप अप्रिल महिनाको हरेक शनिवार लगाइने छ । फाउण्डेसनले संकलन गरी बुझाएको फारमको आधारमा अप्रिल ३, १०, १७ र २४ तारिखमा दिउसो एक बजेदेखि ५ बजेसम्म खोप लगाइने जनाइएको छ । 
 
खोप लगाइने स्थान क्विन्स् अस्पताल जमैका, ८२–६८, १६४ स्ट्रीट न्युयोर्क ११४३२ रहेको र खोपको लागि फारम भरेकाहरुले तोकिएको मिति र समयमा सम्पर्क गर्न अनुरोध गरिएको छ । खोप लगाउन जांदा यातायातको आवस्यकता परेमा न्युयोर्कको फाउण्डेसनको कार्यालय, शेर्पा किदुक र घ्याल्सुम्दो सेवा संस्थाको कार्यालयबाट निःशुल्क आवतजावतको व्यवस्था मिलाइएको फाउण्डेसनले जनाएको छ । खोप लगाउन चाहनेहरुले हरेक वुधवार अपरान्ह २:०० वजेसम्म फारम भरी फाउण्डेशनको कार्यालयमा वुझाई सक्नुपर्नेछ । खोपको लागि फाउण्डेसनका अध्यक्ष सोमनाथ घिमीरे र महासचिव छिरिगं राप्के लामाले क्वीन्स अस्पतालको भ्रमण गरी अस्पतालका कम्युनिटी भ्याक्सिन अर्गनाइजर स्टेफान मुनरोसंग भेटी भ्याक्सीन दर्ता फारम बुझाई, मिती र समय तय गरेको थियो ।

- हिमालय खबर न्युयोर्क

- हिमालय खबर न्युयोर्क -

थप »

यो खबर पढेर तपाईलाई कस्तो महसुस भयो ?

प्रतिक्रिया